_IMG_3185.JPG.webp)
Mündig vom Bach Schwarz in d Jona bi Rüti
As Mündig bezäichnet mä d Zueflussstell vom ene Fliessgwässer in en anders Gwässer.
Merkmol
E Hufe Mündige, wo no in iirem natürlige Zuestand si, si äinzigartigi Biotop (z. B. d Rhônemündig in Südfrankriich), wil sich die ökologische Bedingige rasch ändere, wemm mä nume e chli flussuf oder flussab goot. D Tämpratuur in ere Mündigsregion in unsere Bräite lit mäistens bi 20 °C oder mee. Bin ere Mündig ins Meer mische sich Salz- und Süesswasser, was nume weenig Lääbewääse guet verdrääge.
S markannte Maggia-Delta
Mündig mit Flussdelta
Es isch mööglig, ass e Fluss e Flussdelta bildet; mä underschäidet die Deltaforme oder Arte:
- Die (ändgültigi) Mündig vom ene Fluss in s Wältmeer nennt mä Mündigsdelta.
- Es cha au si, ass e Fluss im Binneland in e See, in en andere Fluss oder in en abflusslosi Landschaftsform (e Becki (über em Meeresspiegel) oder e Depressioon (under em Meeresspiegel) mündet; denn redet mä von eme Binnedelta. Zu deere Delta-Art ghööre au Verzwiigige vom ene Fluss uf em so genannte „Inland“ in ere Niiderig.
Mündig ooni Flussdelta
Wenn e Fluss in en anders Gwässer mündet, ooni ass er e Delta bildet, chann er diräkt iimünde oder en Estuar (e Mündigsdrichder) bilde.
Künstlige Mündig, a Abwasserkanal in d kanalisiert Alb
Bischbil vo de verschiidene Mündigsforme
- D Elbe, d Ems und d Weser münde in d Nordsee (Mündigsdrichder); Dütschland; Öiropa
- Dr Jordan mündet in s Doote Meer („Ändsee“, Depressioon); Israel, Jordanie; Asie
- dr Main und dr Neckar münde in Rhii (Oberriigraabe, Niiderig); Dütschland; Öiropa
- Dr Truckee River mündet in dr Pyramid Lake („Ändsee“, Becki); Nevada; USA
- D Maggia bildet e Delta in Langesee, zwüsche Ascona und Locarno im Tessin.
Weblingg
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.