D Ludvík Svoboda im Johr 1968

De Ludvík Svoboda (* 25. November 1895 z Hroznatín bi Třebíč; † 20. September 1979 z Prag) isch e tschechoslowakische General und vo 1968 bis 1975 Präsident vo de ČSSR ksi.

Läbe

De Ludvík Svoboda hät während em Erste Wältchrieg uf de Site vo de tschechoslowakische Legione kämpft und isch ab 1922 Beruefsoffizier vo de Tschechoslowakische Armee ksi. 1945 isch er Verteidigungsminister worde. Wäge ihm ischs 1948 zum Februarumsturz cho, will er d Armee nöd hät gäge d Kommuniste vorga la. 1948 isch er Mitglied vo de Kommunistische Partei (KSČ) worde. 1950 isch er als Verteidigungsminister entlasse worde und isch churzzitig stellvertretende Ministerpräsident ksi. 1952 isch er per Haftbefehl vom Klement Gottwald verhaftet worde. 1968 isch er begnadigt worde und s Parlament hät im zum Staatspräsident gwählt.

1968 hät er sich am Reformprogramm beteiligt. Wo de Prager Früelig vo de Truppe vom Warschauer Pakt nidergschlage worde isch, hät de Svoboda d Zämmearbeit mit de Truppe verweigert. Spöter isch er schwär chrank und vom Parlament abgewählt worde. Sin Nachfolger isch de Gustáv Husák worde.

 Commons: Ludvík Svoboda – Sammlig vo Multimediadateie
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.