Loki Schmidt (1981)
Loki Schmidt (1978)
D Loki Schmidt in dr Kulisse zum Kanzler-Summerfescht 1980

D Hannelore „Loki“ Schmidt, geb. Glaser, (* 3. März 1919 z Hamburg, † 21. Oktober 2010 z Hamburg-Langenhorn) isch d Ehfrau vum Altbundeskanzler Helmut Schmidt un e international bekannti Botanikeri un Naturschitzeri gsi.

Läbe

D Loki Schmidt isch us ere Hamburger Arbeitfamilie chuu. Ihre Vater isch dr Bedriibselektriker Hermann Glaser gsi, wu in ere Werft gschafft het, ihri Mueter d Gertrud Glaser, si het no zwei Gschwischter gha. Wu dr Vater arbetslos woren isch, het d Mueter as Najeri gschafft[1]. Dr Spitzname Loki het si sich as Chind sälber gee.[2] Wel ihri Eltere sich s Schuelgäld fir s Gymnasium nit hän chenne leischte, hän si ihri Dochter uf di reformpädagogisch Lichtwarkschuel z Hamburg gschickt. Noch em Abitur 1937 het d Loki nit chenne Biologi studiere, wel d Studiegebühre z dyyr gsi sin fir si. Si het derno Pädagogik uf Lehramt fir Volksschuele studiert, wel des nume vier Semeschter gangen isch. Vu 1940 bis 1974 het si an Hamburger Volks- bzw. Hauptschuele as Lehreri gschafft.

Mit zeh Johrhet si uf dr Schuel ihre spere Mann Helmut Schmidt chänne glehrt. Am 27. Juni 1942 hän si im nidersächsische Hambergen ghyrote. Us däre Eh sin zwei Chinder firigange. Dr Suhn Walter (* 26. Juni 1944) isch no vor syym erschte Geburtstag am 19. Februar 1945 z Bernau gstorbe, wahrschyns an Meningitis. Dochter Susanne isch im Mai 1947 uf d Wält chuu[3]; si schafft hite as Journalischti fir dr Wirtschaftsfärnsehsänder Bloomberg TV z London[4]. Zue dr zwei Chinder sin no fimf Fählgeburte chuu[5], wu uf di dertemol nonig bekannti Infektionschranket Toxoplasmose zruckzfiere gsi sin.

Vu 1945 bis 1949 het dr Helmut Schmidt z Hamburg Staatswisseschafte un Volkswirtschaft studiert, in däre Zyt het d Loki fir dr Unterhalt vu dr Familie gsorgt. Är isch 1953 Bundesdagsabgordnete wore, 1961 Senator z Hamburg, 1966 SPD-Franktionsvorsitzer im Bundesdag, 1969 Bundesverdeidigungsminischter, 1972 Bundesfinanz- un wirtschaftsminischter un 1974 Bundeskanzler. D Loki Schmidt het schließli anne 1972 ihri Stell as Lehreri ufgee un het protokollarischi Ufgabe as Frau vum Bundesminischter un ab 1974 as Frau vum Bundeskanzler ibernuu. Anne 1976 het d Loki Schmidt d Stiftung zum Schutze gefährdeter Pflanzen grindet. Die Stiftung isch speter mit dr Stiftung Naturschutz Hamburg (grindet 1985/1986 unter anderem vum domolige Präses vu dr Hamburger Umwältbehörde un hitige Stiftigsrotsvorsitzer Senator a. D. Wolfgang Curilla) zue dr Stiftung Naturschutz Hamburg und Stiftung Loki Schmidt fusioniert wore. Syt 1977 vergit die Stiftig d Uuszeichnig „Loki-Schmidt-Silberpflanze“, e Umwältbryys, wu an Lyt vergee wird, wu sich fir dr Naturschutz yysetze[6].

Zue ihrem 80. Geburtstag het si fir ihri Verdienscht um dr Pflanze- un Naturschutz vu dr Universität Hamburg dr Professoretitel iberchuu. Derzue isch si Ehredoktor vu dr Akademi vu dr Wisseschafte z Sankt Petersburg un vu dr Universität Hamburg. Zue ihrem 90. Geburtstag sin 90 „Loki-Schmidt-Beet“ in ganz Dytschland aagleit wore.[7].

No ihre gnännt sin d Bromelie Puya lokischmidtiae R.Vásquez & Ibisch un Pitcairnia loki-schmidtii Barthlott & Rauh, s Balsaminegwägs Impatiens loki-schmidtiae Eb.Fisch. & Raheliv. [8], s Rosegwägs Lachemilla loki-schmidtiae J.Gaviria [9] un dr Skorpion Tityus lokiae[10]

D Loki Schmidt isch im Alter vu 91 Johr in dr frieje Morgestund vum 21. Oktober 2010 in ihrem Huus im Hamburger Stadtdeil Langenhorn gstorbe.

Wärch

Bischte im Botanische Garte z Hamburg
Pflanzekund
  • Schützt die Natur. Impressionen aus unserer Heimat. Herder Verlag, Freiburg 1979, ISBN 3-451-18225-4.
  • H.-U. Reyer, W. Migongo-Buke und L. Schmidt: Field Studies and Experiments on Distribution and Foraging of Pied and Malachite Kingfishers at Lake Nakuru (Kenya). In: Journal of Animal Ecology, Band 57, 1988, S. 595–610, Zämmefassig, ISSN 0021-8790.
  • W. Barthlott, S. Porembski, M. Kluge, J. Hopke und L. Schmidt: Selenicereus wittii (Cactaceae). An epiphyte adapted to Amazonian Igapó inundation forests. In: Plant Systematics and Evolution, Band 206, 1997, S. 175–185, ISSN 0378-2697.
  • Die Botanischen Gärten in Deutschland. Verlag Hoffmann und Campe, 1997, ISBN 3-455-11120-3.
  • Die Blumen des Jahres. Verlag Hoffmann und Campe, 2003, ISBN 3-455-09395-7.
  • P. Parolin, J. Adis, M. F. da Silva, I. L. do Amaral, L. Schmidt und M. T. F. Piedade: Floristic composition of a floodplain forest in the Anavilhanas archipelago, Brazilian Amazonia. In: Amazoniana, Band 17 (3/4), 2003, S. 399–411, Abstract, ISSN 0065-6755.
  • Das Naturbuch für Neugierige. Rowohlt, Berlin 2010, 240 S., ISBN 978-3-87134-681-1, Leseprobe, 15 S. (PDF; 234,5 kB).
Autobiografie
  • Loki: Hannelore Schmidt erzählt aus ihrem Leben. Verlag Hoffmann und Campe, 2003, ISBN 3-455-09408-2.
  • Mein Leben für die Schule. Loki Schmidt im Gespräch mit Reiner Lehberger. Hoffmann und Campe, Hamburg 2005, 287 S., Ill., ISBN 3-455-09486-4.
  • Erzähl doch mal von früher. Loki Schmidt im Gespräch mit Reinhold Beckmann. Hoffmann und Campe, Hamburg 2008, ISBN 3-455-50094-3, Autobiographie.
  • Loki Schmidt, Dieter Buhl: Auf dem roten Teppich und fest auf der Erde. Hoffmann und Campe, Hamburg 2010, 224 S., gebunden, ISBN 978-3-455-50175-9, Politik.

Uuszeichnige

Loki-Schmidt-Gwegshyyser z Rostock, Yygang
  • 1982: Verleihig vu dr Alexander-von-Humboldt-Medaille dur d Stiftung F.V.S. z Hamburg
  • 1989: 'Rheinlandtaler' vum Landschaftsverband Rheinland
  • 1990: Ehresenatori vu dr Universität Hamburg[11], Hamburger Bryys fir Jagdbolitik
  • 1994: Verleihig vu dr Alfred-Töpfer-Medaille dur dr Senat vu dr Hansestadt Hamburg
  • 1995: Verleihig vu dr Medaille vu dr Rheinische Friedrich-Wilhelms-Universität, Bonn
  • 1997: Bruno H. Schubert-Bryys, Verleihig vu dr Ehredoktorwürde vu dr Akademi der Wissenchafte St. Petersburg
  • 1998: Ernännig zum Technische Leiter ehrehalber vu dr Technischen Leiter der Botanischen Gärten in Deutschland
  • 1999: Verleihig vu dr Ehrenprofessur dur dr Hamburger Burgermeischter, Verleihig vu dr Ehremitglidschaft vum Verband vu Dytsche Botanische Gärte
  • 2000: Verleihig vu dr Ehrendoktorwürde vu dr Universität Hamburg, Fachberaich Biologi, Verleihig vu dr Ernst von Siemens Medaille dur d Gsellschaft vu dr Frynd vum Botanische Garte Münche
  • 2002: Verleihig vu dr Simon Schwendener Medaille dur di Dytsch Botanisch Gsellschaft
  • 2003: Benennung vu dr Genbank fir Wildpflanze, Botanische Garte vu dr Universität Osnabrück, in „Loki Schmidt-Genbank für Wildpflanzen“
  • 2004: Dytsche Umweltbryys, Dytschi Bundesstiftig Umwält, Ehrebryys fir Läbensleischtig
  • 2007: Goldene Feder, Mediebryys vu dr Bauer Verlagsgruppe
  • 12. Februar 2009: Ehreburgeri vu dr Stadt Hamburg[12][13]
  • 15. Mai 2009: Nännig vu dr Gwegshyyser vum Botanische Garte vu dr Universität Rostock in Loki-Schmidt-Gewächshäuser[14]

Literatur

  • Reiner Lehberger: Schmidt, Hannelore (»Loki«), in: Hamburgische Biografie. Bd. 6, Göttingen 2012, ISBN 978-3-8353-1025-4, S. 293–296.
  • Jens Meyer-Odewald: Ein Leben. Helmut und Hannelore Schmidt, Hrsg.: Lars Haider, Hamburger Abendblatt, Hamburg 2011, ISBN 978-3-939716-98-3.
 Commons: Loki Schmidt – Sammlig vo Multimediadateie

Fueßnote

  1. ↑ Loki Schmidt: Mehr als nur eine Kanzlergattin (Norddeutscher Rundfunk, 21.10.2010).
  2. ↑ Gattin des Altkanzleres: Loki Schmidt ist tot (Der Spiegel, 21.10.2010)
  3. ↑ Eine Frau mit Namen Schmidt, Bricht vu Eggert Schröder u. Günter Stiller im Hamburger Abendblatt vum 14. Septämber 2002 (abgruefen am 13. Februar 2009)
  4. ↑ Tochter von Helmut Schmidt: „Jammern ist bei uns nicht angesagt“, stern, 16. Dezämber 2008, Interview mit dr Susanne Schmidt.
  5. ↑ Interview mit dr Loki Schmidt vum 2. März 2009. (Bild.de)
  6. ↑ Loki Schmidt verleiht Silberpflanze an den AKN, 5. Juli 2010
  7. ↑ Stiftung Naturschutz zu Loki-Schmidt-Beeten Archivlink (Memento vom 26. Oktober 2010 im Internet Archive)
  8. ↑ Adansonia 26(1): 46 (48-49; fig. 7). 2004 [8 July 2004]
  9. ↑ Plantula 1(1): 78 (1996)
  10. ↑ Das ist eisern! 65 Jahre Schmidt-Einander (Hamburger Abendblatt) vum 26. Juni 2007 (abgruefen am 13. Februar 2009).
  11. ↑ Ehrensenatorinnen und Ehrensenatoren der Universität Hamburg Archivlink (Memento vom 24. Oktober 2010 im Internet Archive)
  12. ↑ Auszeichnung: Warum Loki Schmidt Ehrenbürgerin Hamburgs wird, Bricht in Welt Online vum 9. Dezämber 2008 (abgruefen am 13. Februar 2009).
  13. ↑ Loki Schmidt zur Ehrenbürgerin ernannt, Bricht vum Dytsche Depeschedienscht vum 12. Februar 2009 (abgruefen am 12. Februar 2009).
  14. ↑ Loki-Schmidt-Gewächshäuser Archivlink (Memento vom 25. Oktober 2010 im Internet Archive), Botanische Garte vu dr Universität Rostock
Dä Artikel basiert uff ere fräie Übersetzig vum Artikel „Loki_Schmidt“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.