| Locarno | |
|---|---|
 Wappe vo Locarno | |
| Basisdate | |
| Staat: | Schwiiz |
| Kanton: | Tessin (TI) |
| Bezirk: | Locarno |
| Kreis: | Locarno |
| BFS-Nr.: | 5113 |
| Poschtleitzahl: | 6600 |
| UN/LOCODE: | CH LON |
| Koordinate: | 705143 / 113710 |
| Höchi: | 200 m ü. M. |
| Flächi: | 19.4 km² |
| Iiwohner: | 16'241 (31. Dezämber 2022)[1] |
| Stadtpräsident: | Alain Scherrer (FDP) |
| Website: | www.locarno.ch |
 Piazza Grande Piazza Grande | |
| Charte | |
 Charte vo Locarno | |
Locarno (lombardisch Locarn, dytsch veraltet Luggarus un Lucaris, aber no im Walserdialäkt vu Bosco/Gurin Liggåårasch (
[lɪˈkɔːraʃ]) isch e Gmai im Schwyzer Kanton Tessin. Si ghert zum Chrais (circolo) Locarno im Bezirk Locarno.
Geografi
D Stadt Locarno lyt am Nordstade vum Langesee un am Oschtrand vum Maggia-Delta. Zue dr Stadt ghere d Fraktione Brè, Cardada-Colmanicchio, Gerre di Sotto, Isola Martella, Monda di Contone, Ponte Brolla-Vattagne un Solduno. Nochbergmaine sin Ascona, Avegno-Gordevio, Cadenazzo, Cugnasco-Gerra, Gordola, Lavertezzo, Losone, Minusio, Muralto, Orselina, Gambarogno, Tegna un Tenero-Contra. Zum Bann vu dr Stadt ghert au d Gerre di Sotto, ne großi Flechi in dr Magadinoebeni, wu nit mit em ibrige Stadtbiet zämmehangt.
Gschicht
Locarno isch zum erschte Mol gnännt wore anne 807 as Leocarni.
Verwaltig
Dr Stadtbresidänt (Sindaco) vu Locarno isch syd 2015 dr Alain Scherrer.
Bevelkerigsentwicklig
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 2944 | 3088 | 2885 | 2866 | 3430 | 3981 | 5486 | 5594 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 6575 | 6760 | 7767 | 10155 | 14143 | 14103 | 13796 | 14561 |
Vercheer
Locarno isch Ändstazioon von eren Ysebaanlinie vo der SBB. Wyter füert di schmaalspuurig Centovallibaan; mit dère cha mer bis i s italienisch Domodossola a de Simplonlinie. Dezue ane faared ab Locarno e ganzi Räie Buslinie i d Döörffer und Tääler vom Locarnese.
Dialekt
Dr lombardisch Dialäkt vu Locarno ghert zum Ticinese.
Böuwärch un Kultur
- s Sanktuarium Madonna del Sasso (15. und 16. Jh.)
- d Piazza Grande, de Hauptplatz
- s Castello Visconteo, hüt s Stadtmuseum (de Bou us em Spaatmittelalter isch im 20. Jh. historisch widerhärgstellt woorde)
- Chilche: d Stiftschilche San Antonio Abate (1664), d Chilche Santa Maria Assunta (1636), d Chilche San Francesco, d Chilche Santa Caterina (17./18. Jh.), d Chilche Santi Rocco e Sebastiano (1604)
- Palazzi und anderi Hüüser: d Casa Rusca (18. Jh., hüt s Bildermuseum), de Palazzo Rusca-Bellerio (16. bis 18. Jh.), d Casa dei Canonici ( 16. und 17. Jh.), d Casorella (spaats 16. Jh.), de Palazzo Franzoni (17. Jh.), d Casa dei Negromanti (Mittelalter; im Ygang äis von eerschte Schwyzerchrüüz, wos git [16. Jh.])
- s Locarno Film Festival, s international Filmfestival vu Locarno (syt 1946)
- Moon and Stars, es Musikfestival (syt 2004)
Madonna del Sasso 
Chilche San Antonio Abate 
Castello Visconteo 
s Rothuus 
Chilche Santa Maria Assunta 
Chilche San Francesco 
Chilche Santa Maria in Selva 
d Casorella
Lyt
- Franz Anton Bustelli (1723–1763), Bildhauer un Modellierer
- Remo Rossi (1909–1982), Bildhauer
- Hannes Schmidhauser (1926–2000), Filmschauspiler, Draibuechautor un Regisseur
- Livio Vacchini (1933–2007), Architekt
- Oliver Neuville (* 1973), dytsche Fuessballspiler
Sport
Dr FC Locarno isch de Fuessballklub vu Locarno, wu aktuäll in dr Promotion League spiilt.
Literatur
- Rodolfo Huber: Locarno. In: Historisches Lexikon vo dr Schwiiz.
- Kunstführer durch die Schweiz. Vollständig neu bearb. Ausgabe. Hrsg. von der Gesellschaft für Schweizerische Kunstgeschichte. Band 2. GSK, Bern 2005, ISBN 3-906131-96-3, S. 594–610.
Weblink
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 7. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )