Dr Wladimir Iljitsch Lenin, 1920

Im Lenin si Underschrift

Dr Lenin (russisch Ленин, wüss. Transliterazioon Lenin loose^ⓘ, äigentlig Wladimir Iljitsch Uljanow, russisch Владимир Ильич Ульянов, wüss. Transliterazioon Vladimir Il’ič Ul’janov; * 10. April^jul./22. April^greg. 1870 z Simbirsk; † 21. Januar 1924 z Gorki bi Moskau) isch e russische kommunistische Politiker und Revoluzionäär gsi, e marxistische Theoretiker, dr Vorsitzendi vo dr Bolschewiki-Bardei und vo dr Kommunistische Bardei vo Russland wo us dere uusegwaggse isch (1912–1924), Schef vo dr Regierig vo Sowjetrussland (1917–1922) und denn vo dr Sowjetunion (1922–1924), und Gründer vo dr Sowjetunion.

Wo si si Brueder wägen eme blante Attentat uf dr Zar hiigrichdet worde isch, het sich dr jungi Lenin de marxistische Sozialdemokrate aagschlosse und het im Undergrund für e kommunistischi Revoluzioon in Russland gschafft. Er het e baar Mol ins Exil müesse goo, die mäisti Zit isch er in dr Schwiz gsi. 1903 het er en äigeni Frakzioon in dr Sozialdemokratische Arbäiterbardei vo Russland gründet, d Bolschewiki, die spööteri Kommunistischi Bardei vo Russland. Am Aafang vo 1917 het e bürgerligi Revoluzioon in Russland d Monarchii gstürzt. Die nöiji Regierig het sich aber nid us em Erste Wältchrieg zrugzooge, und het wäge däm vili Sümpatisante verloore. Die Sozialdemokratischi Arbäiterbardei vo Russland, d Bolschewiki under dr Füerig vom Lenin, het in dr Oktoberrevoluzioon d Macht an sich grisse. Si het die verfassigsgääbendi Versammlig mit Gwalt ufglööst und d Mäinigsfreihäit iigschränggt. Im Bürgerchrieg, wo denn usbroche isch, häi d Bolschewiki die mäiste Gebiet vom ehemoolige Russische Riich under iiri Kontrolle brocht und dr Widerstand vo dr Wisse Armee und vo andere Bürgerchriegsbardeie milidäärisch und mit terrorisrische Methode broche, au wenn e Hufe usländischi Mächt die Wiss Armee materiell understützt häi und e baar Nochberstaate russischi Gebiet bsetzt häi. Gege s Ändi vom Chrieg, 1922, häi d Bolschewiki d Union vo de Sozialistische Sowjetrepublike gründet.

Zu sällere Zit isch dr Lenin scho schwer chrank gsi. 1924 isch er gstorbe und mä het si Liiche iibalsamiert und im ene Mausoleum an dr Muure vom Kreml usgstellt. D Staliniste häi vo denn aa d Bedütig vom Lenin für d Sowjetunion und für e Kommunismus in sinere russsche Form immer mee uuseghoobe. Bis hüte isch sich die politischi Linggi nid sicher, wie mä d Rolle vom Lenin söll beurdäile. Für die, wo d Schrifte vom Karl Marx e gschlossnigs Ideologiigebild si, gseen im Lenin Theoretiker, wo dr Marxismus mit em Leninismus maassgääblig witerentwigglet het. Noch em Dood vom Lenin in dr Zit vom Stalinismus het mä drus d Ideologii vom Marxismus-Leninismus konstruiert. Uf dr andere Site het s Verletzige vo de Menscherächt, Dogmatismus und antidemokratischi Tendänze gee, wo nit zämmegönge mit modärne Konzept vom Sozialismus. E groossi Rolle drbii, wie mä d Theorie vom Lenin söll beurdäile, spiile d Frooge, öb sich dr Kommunismus au im ene industriell rückständige Land chönn entwiggle, und was für e Rolle drbii e Bardei von ere nöije Art wurd haa.

Wärk (Uswaal)

• Neue wirtschaftliche Vorgänge im bäuerlichen Leben 1893
• Was sind die „Volksfreunde“ und wie kämpfen sie gegen die Sozialdemokraten? (Antwort auf die gegen die Marxisten gerichteten Artikel des Russkoje Bogatstwo), Frühjahr – Sommer 1894
• Der ökonomische Inhalt der Volkstümlerrichtung und die Kritik an ihr in dem Buch des Herrn Struwe (Die Widerspiegelung des Marxismus in der bürgerlichen Literatur). Zu dem Buch von P. Struwe: Kritische Bemerkung zur ökonomischen Entwicklung Russlands von 1894, Ende 1894 – Anfang 1895 (PDF-Datei; 541 kB)
• Was tun? Brennende Fragen unserer Bewegung, März 1902 (Kaderpartei als Avantgarde der Arbeiterbewegung, Demokratischer Zentralismus)
• Die Aufgaben der revolutionären Jugend, veröffentlicht in der Zeitung Student Nr. 2/3, September 1903
• Ein Schritt vorwärts, zwei Schritte zurück, 1904
• Marxismus und Revisionismus, geschrieben nicht nach dem 16. April 1908
• Materialismus und Empiriokritizismus. Kritische Bemerkungen über eine reaktionäre Philosophie, 1909
• Drei Quellen und drei Bestandteile des Marxismus, März 1913
• Die sozialistische Revolution und das Selbstbestimmungsrecht der Nationen, Januar – Februar 1916
• Über die Junius-Broschüre, Oktober 1916
• Der Imperialismus und die Spaltung des Sozialismus, Oktober 1916
• Der Imperialismus als höchstes Stadium des Kapitalismus, Mitte 1917
• Staat und Revolution, August – September 1917
• Eine der Kernfragen der Revolution, September 1917
• Die proletarische Revolution und der Renegat Kautsky, Oktober – November 1918.
• Der „Linke Radikalismus“, die Kinderkrankheit im Kommunismus, April–Mai 1920
• Lieber weniger, aber besser, 2. März 1923 (PDF-Datei; 100 kB)

Litratuur

Weblingg

 Commons: Lenin – Sammlig vo Multimediadateie

• Manfred Wichmann: Tabellarischer Läbenslauf vo Wladimir I. Lenin im LeMO (Deutsches Historisches Museum un Haus der Geschichte)
• Bernard Degen: Lenin, Wladimir Iljitsch. In: Historisches Lexikon vo dr Schwiiz.
• Dr erst Band vo dr Werke vpm Lenins as PDF (2,80 MB)
• Reden, Schriften, Briefe und wissenschaftliche Studien Lenins
• Deutschsprachiges Archiv mit Texten und Büchern von Lenin im Marxists Internet Archive
• Lenin-Archiv @ vulture-bookz.de mit zahlreichen Fotodokumenten
• Lenins so genanntes Testament (Brief an den Parteitag, diktiert von Dezember 1922 bis Januar 1923)
• Lenins Zug heute im Museum

Fuessnoote

1. ↑ „uf Dütsch übersetzt noch dr fümfte russische Usgoob“

Dä Artikel basiert uff ere fräie Übersetzig vum Artikel „Lenin“ vu de dütsche Wikipedia. E Liste vu de Autore un Versione isch do z finde.