Langenau liet am Afang vom Chleine Wiisedal zwüschem Schiinberg und äm Entegascht. Mit siene 360 m (ü. NN.) isch Langenau de am diefschte glegene Schtadtdeil vo Schopfe.

Wappe

S Langenauer Wappe zeigt ä wiißi Forelle mit rote Punkt uf blauem Grund. S isch de Gmei 1901 verliehe worde und soll uf de Fischriichtum vo de chleine Wiese hiwiese.

Gschicht

Langenau würd erschtmols 1278 in ere Schenkigsurkund vo de Ehelüt Rotenberg ans Chloschter St. Blasie erwähnt. 1583 het ma de Ort zuem erschte Mol "Langenaw" gschriibe. 1842 isch s Roothuus erbaut worde, des no hüt s Ortsbild prägt. 1911 isch Langenau an d Schtromversorgig ahgschlosse worde und 1912 hän fascht alli Huushalt fließendes Wassa ka. 1972 het de Ort sieni Selbschtschtändigkeit ufgeh und isch ä Ortsdeil vo Schopfe worde.

Bildig

In Langenau git s ä Grundschuel und ä Chindergarde.

Langenau uf de Homepage vo de Schtadt Schopfe

Zuem Läse

  • Kurt Ückert: Notizen zur Geschichte von Langenau. Schopfheim 1998.
  • Kurt Ückert: Langenau im kleinen Wiesental. Schopfheim 1959.
  • K. Schubring: Langenau und sein Jubiläum, Die grundlegende Urkunde von 1278, in: Stadt Schopfheim (Hrsg.): Stadt Schopfheim Jahrbuch 2007, Tagesspiegel, Schopfheim 2007, S. 8–19.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.