| La Salle (Aostatal) | ||
|---|---|---|
 |
| |
 | ||
.svg.png.webp) Lag vu dr Gmai La Salle im Augschtdal | ||
| Staat: | Italie | |
| Region: | Aostatal | |
| Koordinate: | 45° 45′ N, 7° 4′ O | |
| Hechi: | 1.001 m s.l.m. | |
| Yywohner: | 2021 (31. Dez. 2022)[1] | |
| ISTAT-Nummer: | 007040 | |
La Salle (frankoprov. La Sola / La Sala) isch e Gmai in dr autonome Provinz Augschtdal z Italie.
La Salle ghert zue dr Gmainschaft Unité de communes Valdigne-Mont-Blanc.
Geografi
La Salle lyt im Valdigne, em obere Dail vum Augschtdal, uf dr rächte Syte vu dr Dora Baltea.
Zue dr Gmai ghere d Wyyler Chabodey, Le Pont, La Clusaz, Croix-des-Prés, Écharlod, Chez Béneyton, Fenêtre, Charvaz, Moras, Chez-les-Rosset, Villair, Cré, Villaret, Derby, Chez-les-Gontier, Le Champ, Écours, Prarion, Moyes, Cottin, Chaffieron, Châtelard, Le Château, Beauregard, Villarisson, Remondey, Les Places, Chaffiéry, Arbétey, Chez-les-Baud, Chez-les-Émonet, Beillardey, Chéverel, Challancin, Grassey, Morge, Planaval, Piginière, Chez-Borgne. Nochbergmaine sin Avise, Courmayeur, La Thuile, Morgex un Saint-Rhémy-en-Bosses
Gschicht
Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het La Salle dr italienisiert Name Sala Dora' drait. Noch em Zweede Wältchrieg het s Augschtdal anne 1948 e autonome Sonderstatus griegt.
Bevelkerig
| Johr | 1861 | 1871 | 1881 | 1901 | 1911 | 1921 | 1931 |
| Yywohner | 2425 | 2353 | 2385 | 2013 | 1935 | 1898 | 1758 |
| Johr | 1936 | 1951 | 1961 | 1971 | 1981 | 1991 | 2001 |
| Yywohner | 1681 | 1767 | 1578 | 1381 | 1392 | 1679 | 1880 |
Politik
Dr Burgermaischter vu La Salle isch dr Cassiano Pascal.
Sproch und Dialäkt
Dr frankoprovenzalisch Dialäkt vu La Salle ghert zum Valdostanisch (Valdôtèn).
Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu La Salle sin 103 Froogebeege wider retuurchuu[2].
| Froog 0301: Was isch Ihri Muetersprooch? | |||||
| Italienisch | Patois | Franzeesisch | anderi | kai Andwoord | Total |
| 70 (68 %) | 24 (23,3 %) | 2 (1,9 %) | 4 (3,9 %) | 3 (2,9 %) | 103 |
| Froog 1403a: Wie guet verstehn si Frankoprovenzalisch (Patois)? | |||||
| guet | mittelguet | e weng | gar nit | kai Andwoord | Total |
| 63 (61,2 %) | 14 (13,6 %) | 4 (3,9 %) | 22 (21,4 %) | 0 (0 %) | 103 |
| Froog 1403b: Wie guet chenne si Frankoprovenzalisch (Patois) schwätze? | |||||
| guet | mittelguet | e weng | gar nit | kai Andwoord | Total |
| 51 (49,5 %) | 12 (11,7 %) | 9 (8,7 %) | 30 (29,1 %) | 1 (1 %) | 103 |
Weblink
Fueßnote
- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
- ↑ Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.