LaBrassBanda
LaBrassBanda im E-Wärch Erlangè
LaBrassBanda im E-Wärch Erlangè
LaBrassBanda im E-Wärch Erlangè
Allgmeini Informatione
Genre Neui Volksmusig, Brass, Reggae, Ska-Punk
Gründig 2007
Website labrassbanda.com
Aktuelli Bsetzig
Stefan Dettl
Stefan Huber (sit 2014)
Manuel Winbeck
Manuel da Coll
Jörg Hartl (sit 2013)
Korbinian Weber (sit 2013)
Fabian Jungreithmayr (sit 2014)
Ehmaligi Mitglider
Oliver Wrage (2007–2013)
Andreas Hofmeir (2007–2014)
Mario Schönhofer (2013–2016)
Tobias Weber (2013–2016)
LaBrassBanda, Zält-Musik-Feschtival 2017

LaBrassBanda isch è Blõsmusig-Formation, wo us Übbersee am Chymsee stammè duèt, un vom Leadsänger un Drumbeeter Stefan Dettl gleitet wörd. Dè Bandnammè isch è Portemanteau vom italiènischè la banda un èm änglischè brass band, wa uff Dütsch Blõsmusigkapellè bzw. Blèch-Blõsmusigkapellè bedütet.[1] D Musig zellt zum Genre vo dè Neuè Volksmusig. Si sèlber daufèd iri Musig ironisch au als Bayrischi Gypsy Brass, Funk Brass odder Alpè Jazz Techno.

Bandgschichte

LaBrassBanda bim Public Viewing für d Euro 2008 z Wien (2008)
Frontmaa Stefan Dettl

Stefan Dettl isch bi nèm Uffenthalt z New York devò faszinyrt gsi, wiè Gruppè wiè d Youngblood Brass Band traditionèlli Blõsmusig mit Hip-Hop-, Funk- un Jazzyflüss vobindèt. Dè Musigschtudent hét am Richard-Strauss-Konservatorium mit èm Andreas Hofmeir (Tuba), Oliver Wrage (Bass), Manuel Winbeck (Bosuunè) un Manuel da Coll (Schlagzüüg) vyr Glychgsinnti gfundè un 2007 mit dènnè LaBrassBanda gründèt. Größeri Bekanntheit hèt d Band durch iri Tour chriègt, wo vo irer Heimèt zum Èndschpyl vo dè Fuèßball-Europameischterschaft z Wien gmacht hèt. Sèlli hèn si mit Moped un èm Traktor mit Aahänger gmacht, uff dèm si Blatzkonzèrt gschpillt hèn.[2][3][4]

2009 isch d Band uff Yladung vom Goethe-Inschtitut bim Dütschè Kulturfeschtival sibSTANCIJA 09 z Nowosibirsk un Akademgorodok uffdrèttè. Witteri Konzärt hèt s z Omsk, Krasnojarsk un Moskau gää.[5] Im glychè Johr isch LaBrassBanda bim Harare International Feschtival of Arts z Simbabwe, bräsentyrt durch diè Dütsch Botschaft un d Zimbabwe German Society,[6][7] un bim Roskilde-Feschtival uffdrèttè.[8] Èn Konzèrtfilm vom Marcus H. Rosenmüller hèt èn LaBrassBanda-Uffdritt am 23. Oktobèr 2009 im uusvokauftè Circus Krone z Münchè bräsentyrt. Mit „Habe di Ehre Übersee“ – Eine Band isch 2009 è Dokumentarfilm übber d Band gmacht worrè. Im Juli 2011 hèn uff Yladung vo dè dütschè Botschaft 4 Konzärt in dè USA stattgfundè, unter andrem im legendärè Whisky a GoGo z Los Angeles.

I dè Johr 2007 bis 2015 hèt d LaBrassBanda mee wiè 700 Konzärt gää. Si sin z Gascht gsi uff voschidnè Feschtival, wié m Hurricane Feschtival z Scheeßel, im süddütsché Schwôschter-Feschtival Southside z Neuhuusè ob Egg,[9] im Highfield-Feschtival z Großpösna, im Sziget Feschtival z Budapescht, im Haldern Pop am Nidderrhy[10] un im Chiemsee Reggae Summer z Übbersee.[11] Glychzitig hèt d Band è Promotour aagfangè un isch in Schuèlè uffdrèttè, bspw. im April 2011 i dè Fachobberschuèl z Kèmptè, um irè Konzèrt i dè BigBOX Allgäu im Mai 2011 z vomarktè.[12] Am 4. Dezembèr 2011 hèn si d Tournee Übersee vor 12.000 Fans i dè Olǜmpiahallè Münchè uffghört. Sèllè Uffdritt isch uffzeichnèt un 2012 als Live Olympiahalle München voöffentlicht worrè. I dè Paus nõch dè großè Tournee hèn sich d Mitglyder dè Witterentwicklung vo irè eignè Brojèkt gwidmet. Dettl hèt z. B. d Soloalbè Rockstar (2011), Summer of Love (2012) un Soultrain (2016) usèbrocht. Dè Tubischt Andreas Hofmeir isch sit 2006 als ordentlicher Brofèssor a dè Uni Salzburg tätig un hèt 2012 è baar Konzärt un „Musikalischi Lesungè“ gää un hèt Workshops für Tuba durrègfüürt.

LaBrassBanda hèt bim dütschè Vorentscheid zum Eurovision Song Contest 2013 mit èm Titel Nackert dè zweite Blatz gmacht[13] hinter Cascada. Si hèn dõdeby bim einwöchigè Radiohörer-Voting dè erschte un bim Fèrnseeluèger-Voting dè zweite Blatz gmacht, vo dè Jury abber nu ein Pungt chriègt,[14] wa diè Ressentiments vo dè Expertè im Genre Blõsmusig gegèübber dütlich uffzeigt. S Publikum schynt dõ dütlich uffgschlossener gsi sy. 2015 hèn si vo dè Münchner Turmschriiber dè Bayrische Poetèdaler chriègt.

Dè Bassischt Oliver Wrage hèt im Juni 2013 als Bandmitglyd uffghört, well er sich um sini Uffgabè als frischbachenè Vatter un um sini Band „Weiter“ kümmèrè hèt wellè. Aa sèbbèrè Stell isch dè Mario Schöhofer drèttè.

Im Summer 2013 sin LaBrassBanda als Vorband bi dè Tournee vo dè Ärzt uffdrèttè. Sit dè Tour 2013 sin si zuèsätzlich vom Jörg Hartl un èm Korbinian Wèber a dè Drumbeetè un vom Tobias Wèber a dè Tschätterle unterschtützt worrè, beidi sin bis 2016 au feschtè Bschtanddeil vo dè Band gsi.[15][16] Sit èm Johr 2014 duèt dè Stefan Huber dè Andreas Martin Hofmeir a dè Tuba vodrèttè, un sit dè Byrzèlttour 2014 voschtärkt dè Gitarrischt Fabian Jungreithmayr d Gruppè. È Yladung vo dè Band zum 124. Gaudrachtèfescht 2014 z Ruhpolding durch dè voaastaltende Gauvoband I hèt bim dè Ehrèvorsitzendè vom Bayrischè Drachtèvoband Otto Dufter Grummlè lõ, wegè m Draditionsbruch: LaBrassBanda isch grundsätzlich in Lederhosè, defür barfuèß uffdrèttè.[17]

Irè neus Album „Kiah Royal“ hèt LaBrassBanda in èm Kuèschtall ygschpillt. Gaschtmusiger sin u. a. dè Chrischtoph Well, Rocko Schamoni un dè Stephan Remmler gsi.[18]

Nõchdèm s Gründungsmitglyd Andreas Hofmeir 2014 bi dè Konzärt meischtens durch dè Stefan Huber a dè Tuba vodrèttè worrè isch, hèt er im Dezembèr 2014 im Interview uff d Frõg, ob s des jetzt gsi isch mit LaBrassBanda: „Jò, sèll cha mò jetzt asè sägè“. S dösè abber dè Wunderfitz Übberhand nää, wo s mit sim „klassischè un kabarettistischè Brojäkt no hygò möge“.[19]

Dè Mario Schönhofer (Bass) un dè Tobias Weber (Percussion) hèn sit Èndi 2015 mit Ström irè eignes Brojèkt aagfangè un sin Aafang 2016 us dè Band uusgschtigè.

Diskografy

Albè

Johr Titel Aazaal Titel Chartblatzyrungè[20][21] Uuszeichnungè (Edelmetall)
DE AT
2008 Habediehre 11 85
(1 Wo.)		 – DE: 1× Gold
2009 Übbersee 13 39
(5 Wo.)		 – –
2012 Live Olympiahallè Münchè 16 15
(5 Wo.)		 58
(1 Wo.)		 –
2013 Europa 14 3
(… Wo.)		 10
(5 Wo.)		 DE: 1× Gold
2014 Kiah Royal 16 4
(… Wo.)		 21
(… Wo.)		 –
2015 Europa - in Dub 10 -
(… Wo.)		 -
(… Wo.)		 –
2017 Around the World 11 10
(… Wo.)		 13
(… Wo.)		 –
2020 Danzn

Singles

Johr Titel Chartblatzyrungè[20] Uuszeichnungè (Edelmetall)
DE AT
2013 Nackert 13
(6 Wo.)		 − –
2013 Holland − − –

Bydrääg zu Sammelwärch

  • Habediehre uff Songlines top of the world. Songlines Magazin: Issue 57, Januar/Februar 2009[22]
  • Musig zu Doctor Döblingers geschmackvolles Kasperltheater. È bayrisches Kaschperlhörschpyl für Kinder. Kaschperl un s Kugeleis - 2010.

Filmografy

  • 2009: LaBrassBanda – Habe di Ehre Übersee (Dokumentarfilm vom Marcus H. Rosèmüller)
  • 2010: LaBrassBanda – aus dem Circus Krone (Konzèrtfilm vom Marcus H. Rosèmüller)
  • 2010: Die Friseuse (Filmkomödy vo dè Doris Dörrie mit Musig vo LaBrassBanda)
  • 2014: LaBrassBanda (Dokumentarfilm vom David Spaeth)

Literatur

  • Lorenz Beyer: LaBrassBanda: Bayern-Brass-Pop. In: Transkulturelle Musikprozesse in Oberbayern. Fallstudien zu hybrider Musik und territorialer Codierung im gesellschaftlichen Kontext. Dissertation an der Universtität für Musik und darstellende Kunst Wien, 2017. S. 143–204 (PDF; 30 MB (Site cha nüme abgrüeft wärde; Suche im Webarchiv) )

Weblingg

 Commons: LaBrassBanda – Sammlig vo Multimediadateie

Quällè

  1. ↑ BR-online übber LaBrassBanda. Archiviert vom Original am 20. Juli 2010; abgruefen am 1. Januar 2011.
  2. ↑ Dirk Wagner: La Brass Banda: Men in Blech. In: süddeutsche.de. 29. Dezember 2008, archiviert vom Original am 29. Januar 2009; abgruefen am 12. Juli 2009.
  3. ↑ EM-Tour 2008. Si hèn nu spillè wellè. In: Focus online. 13. Juni 2009, abgruefen am 12. Juli 2009.
  4. ↑ Vorberichterstattung zum Länderspiel Österreich–Deutschland. In: heute-journal. 16. Juni 2008, abgruefen am 12. Juli 2009.
  5. ↑ Bricht bi www.goethe.de. Archiviert vom Original am 28. Februar 2009; abgruefen am 7. Dezember 2009. (abgruèfè am 12. Juli 2009)
  6. ↑ LaBrassBanda Archivlink (Memento vom 16. April 2016 im Internet Archive) (änglisch, abgruèfè am 12. Juli 2009)
  7. ↑ Bricht übber d Deilnaam am 10. Harare International Feschtival of the Arts: „La Brass Banda Thrills Mbare Children“. In: The Zimbo Jam. 30. April 2009, archiviert vom Original am 18. Juli 2011; abgruefen am 12. Juli 2009 (änglisch).
  8. ↑ LaBrassbanda beim Roskilde-Festival;. Archiviert vom Original am 9. Juni 2009; abgruefen am 12. Juli 2009 (änglisch).
  9. ↑ LaBrassBanda beim Southside Festival. Archiviert vom Original am 28. November 2010; abgruefen am 6. Juli 2010.
  10. ↑ Bandarchiv 2011 Haldern Pop
  11. ↑ LaBrassBanda. Brogramm vom Chymsee Reggae Summer 2012, Sunntig, 26. Auguscht 2012, Hauptbünni.
  12. ↑ „La Brass Banda“-Musiker bringt Schulleiter zum Singen. I dè: Allgäuer Ziting. 13. April 2011.
  13. ↑ Teilnehmervorstellung auf eurovision.de
  14. ↑ Bizarre Wertung: Jury schickt Cascada nach Malmö; auf www.focus.de. Abgruefen am 14. Februar 2013.
  15. ↑ Ingrid Fuchs: Nippelcheck im Zirkus. I dè: Süddütsche Ziting. 29. Oktobèr 2013, abgruèfè am 2. Novembèr 2013.
  16. ↑ ÄRZTIVALS 2013 – DIE ÄRZTE PRÄSENTIEREN IHRE ZUSATZBANDS, Feschtivalhopper, 27. Februar 2013, abgruèfè am 2. Novembèr 2013.
  17. ↑ Heiner Effern: Wo der Haferlschuh drückt. I dè: Süddütschè Ziting. 24. Juni 2014.
  18. ↑ Õbèdziting - LaBrassBanda mit Album "Kiah Royal": Konzèrt für Rindvycher. Abgruefen am 22. September 2014.
  19. ↑ Viel Brass, keine Banda. Interview mit dè Sabine Buèchwald. I dè: Süddütschè Ziting. 27./28. Dezembèr 2014, S. R8.
  20. 1 2 Chartquällè: Dütschland (Memento vom 1. Dezämber 2017 im Internet Archive) / Öschterrych
  21. ↑ Uuszeichnungè: Dütschland
  22. ↑ „Songlines top of the world. CD 57 the best new world music“ – Nõchwys im WorldCat
Dä Artikel basiert uff ere fräie Übersetzig vu dere Version vum Artikel „LaBrassBanda“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.