دولة الكويت Daulat al-Kuwait Schdaat Kuwait
{{{ARTIKEL-FLAGGE}}} {{{ARTIKEL-WAPPEN}}}
Amtsspraach	Arabisch
Hauptstadt	Kuwait
Staatsoberhaupt	Mischal al-Ahmad al-Dschabir as-Sabah
Regierigschef	Sabah al-Khaled al-Hamad as-Sabah
Flächi	17.818 km²
Iiwohnerzahl	4.294.621 (2022)
Bevölkerigsdichti	200,2 Iiwohner pro km²
Brutto­inlands­produkt pro Iiwohner	22.470 US-$ (2003)
Währig	1 Kuwait-Dinar (KD.) = 1.000 Fils
Unabhängigkeit	19. Juni 1961 (vo Grossbritannie)
Nationalhimne	an-Naschid al-watani
Nationalfiirtig	25. Februar (Rückeroberig vo Kuwait im Zweite Golfchrieg)
Zitzone	UTC+3
Kfz-Kennzeiche	KWT
Internet-TLD	.kw
Vorwahl	+965

S Emirat Kuwait (arabisch الكويت al-Kuwayt, dütsch au: Kuweit) lit in Vorderasie. Es gränzt im Norde und Weschde an Irak (240 km gmeinsame Gränzverlauf), im Süde an Saudi-Arabie (222 km) und im Oschde an Persische Golf (499 km).

Bevölkerig

D Bevölkerigsschdruktur vo Kuwait isch vom sehr hoche Adeil vo usländische Arbetschreft und vo ihre Agehörige brägt (rund 60 % vo alle Iiwohner). Der Adeil vo de Manne isch mit 57 % dütlig höcher as dä vo de Fraue; 24,5 % vo der Bevölkerig isch 2004 under 15 Johr alt gsi. Kuwait isch eins vo de Länder mit em höggschde Verschdedterigsgrad (2004: 96 %); d Lebeserwartig isch 2004 bei 77 Johr gläge. S Bevölkerigswaggstum isch zwüsche 1994 und 2004 im Durchschnitt 4,1 % gsi. D Amtsschbrooch isch Arabisch, d Umgangsschbrooch vo de Kuweiter unterenander isch Irakisch-Arabisch. Persisch wird in Kuwait as Zweitschbrooch bruucht. D Handelsschbrooch isch Änglisch.

Vo de rund zweiehalb Millione Iiwohner si nume öbbe 40 % Kuwaiter (drvo 150.000 bis 180.000 Beduine). Die übrige Iiwohner si us em Iran, Indie, Pakistan, und viele andere – hauptsächlich arabische und südoschdasiatische – Länder zuegwanderet und hai die kuwaitischi Schdaatsbürgerschaft nit. D Zuewanderer si de Iiheimische gegenüber gsellschaftlig benochdeiligt. D Bevölkerig isch überwiegend muslimisch, drvo si 65 % Sunnite und 35 % Schiite. Der Islam isch Schdaatsreligion. Der römisch-katholische Chille ghöre 6 % vo der Bevölkerig a. Die räschtlige 9 % umfasse vor allem anderi chrischdligi Konfessione, Hindus und Parse.