Dä Artikel behandlet d Pflanze. Für d Frucht lueg doo.

Kulturöpfel
Kulturöpfelbaum (Malus domestica), wo blüet
Systematik
Familie: Rosengewächse (Rosaceae) Underfamilie: Spiraeoideae Tribus: Pyreae Untertribus: Chärnobstgwäggs (Pyrinae) Gattig: Öpfel (Malus) Art: Kulturöpfel
Wüsseschaftlige Name
Malus domestica
Borkh.

Dr Kulturöpfel (Malus domestica Borkh., Syn. Pyrus malus L.) umgangssproochlig Öpfel, isch en Art us dr Gattig vo de Öpfel in dr Familie vo de Roosegwäggs (Rosaceae) und isch wit bekannt. Dr Frucht vom Öpfelbaum, wo botanisch gsee äigetlig e Schiinfrucht isch, säit mä Öpfel, und si isch wirtschaftlig e seer bedütendi Obstart.

Öpfelböim wärde as Naarigsmiddel im Obstaabau und au as Zierpflanze aapflanzt.

Dr Kulturöpfel stammt woorschinlig us Asie. Mä dänngt hüte ass er vom Asiatische Wildöpfel (Malus sieversii) chunnt, wo mit em Kaukasusöpfel (Malus orientalis) krüzt worde isch.

D Frucht

Hauptardikel: Öpfel

Öpfel wärde as Obst ooni Verarbäitig gässe, vili Sorte chönne e langi Zit glaageret wärde und si doorum in dr Vergangehäit au im Winter e wichdigi Kwelle für Witamin gsi. Si chönne, je noch Sorte, kocht und bacht wärde, oder vermostet und as Most oder Öpfelwii drunke wärde. Usserdäm wird ene e Wirkig as Häilmiddel zuegschriibe. As d Frucht schlächthii sümbolisiere dr Öpfel und dr Öpfelbaum d Themeberiich vo dr Sexualidäät, dr Fruchtbarkäit und vom Lääbe, Erkenntnis, Entschäidig, aber au Riichdum.

Litratuur

• Eckart Brandt: Brandts Apfellust. Mosaik, Münche 2000, ISBN 3-576-11441-6.
• Eckart Brandt: Mein großes Apfelbuch. Bassermann, Münche 2003, ISBN 3-8094-1533-2.
• Pierre-Marie Valat, Pascale de Bourgoing: Der Apfel und andere Früchte. Mannheim 1992, ISBN 3-411-08541-X.
• Ernst Ludwig Loewel, Siegfried Labus, Wiebke Fuchs (Bearb.): Deutsche Äpfel: die Handelssorten. Norddeutschland und Niederelbe. Ein Bildwerk. Förderverein des Freilichtmuseums am Kiekeberg, Rosengarten-Ehestorf 2005, ISBN 3-935096-15-1. 
• Walter Karberg, Cathy Schernus: Das Apfelbuch Berlin-Brandenburg. be.bra verlag, Berlin 2013, ISBN 978-3-86124-676-3.

Weblingg

 Commons: Kulturöpfel – Sammlig vo Multimediadateie

• Entzifferung des Erbguts des Apfels
• Les origines de la pomme Dokumentarfilm: Vo wo dr Öpfel chunnt
• Obstsortebletter vo sältene Öpfelsorte
• Deutschlandkarte „Beginn der Apfelblüte" über verschiedene Jahre

 Kulturapfel im dütschsprochige Wikisource

Dä Artikel basiert uff ere fräie Übersetzig vu dere Version vum Artikel „Kulturapfel“ vu de dütsche Wikipedia. E Liste vu de Autore un Versione isch do z finde.