Popowa: Sitzende wiiblige Akt, um 1914
Dr Kubofuturismus isch e Stiilrichdig in dr Bildende Kunst, wo sich z Russland in de Joor vor em Erste Wältchrieg entwicklet het. Drbii si d Erfaarige und Elemänt vom Kubismus und vom Futurismus mitenander verschmulze. Tüpisch für e Kubofuturismus isch, ass die geegeständlige Motiv in zilindrischi Formelemänt zerlegt wärde.
Zu de wichdigste Verdräter ghööre dr Kasimir Malewitsch, dr Iwan Puni, dr David Burljuk und d Ljubow Sergejewna Popowa.
Dr Nöi Kubofuturismus
Sit 1978 het dr italiänischi Muusiker und Mooler William Tode us Gonzaga in sine Bildwärk, Graphike und Skulptuure dr Kubofutorismus nöi ufgriffe und nennt sis künstlerische Wärk neo cubofuturismo (Dr Nöi Kubofuturismus) oder äifach cubofuturismo[1].
Liddratuur
- Thomas Keith: Poetische Experimente der deutschen und russischen Avantgarde (1912–1922). Ein Vergleich. Weidler Buchverlag, Berlin 2005, ISBN 3-89693-440-6
Weblingg
- Kubofuturismus und russische Avantgarde im Museum Ludwig (Usstellig 2009−2010)
Fuessnoote
- ↑ Die offizielli Website vom William Tode (Site cha nüme abgrüeft wärde; Suche im Webarchiv)
 |
Dä Artikel basiert uff ere fräie Übersetzig vu dere Version vum Artikel „Kubofuturismus“ vu de dütsche Wikipedia. E Liste vu de Autore un Versione isch do z finde. |
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.