Krauchthal
Wappe vo Krauchthal
Wappe vo Krauchthal
Basisdate
Staat:Schwiiz
Kanton:Bärn (BE)
Verwautigschreis:Ämmitauw
BFS-Nr.:0414i1f3f4
Poschtleitzahl:3326 Krauchthal
3325 Hettiswil
Koordinate:609842 / 206681
Höchi:585 m ü. M.
Flächi:19.44 km²
Iiwohner:2369 (31. Dezämber 2022)[1]
Website:www.krauchthal.ch
Chiuche
Chiuche

Chiuche

Charte
Charte vo Krauchthal
Charte vo Krauchthal
w

Chrouchtu (amtl. Krauchthal) isch ä politischi Gmeind im Vrwautigskreis Ämmitau im Kanton Bärn ir Schwyz. D'Gmeind beschteit us de Ortschafte Chrouchtu (mit Hueb u Dieterwaud) u Hettiswiu (mit Grauestei u Hängele). Bis zum 31. Dezämber 2009 het d Gmeind zum Bezirk Buurdlef ghört.

Geographii

D'Gmeind ligt im voraupine Gebiet u eröffnet ds Ämmitau vom Norde här. Chrouchtu u Hueb lige im nä änge Tau, hingäge Dieterswaud isch liecht erhöht uf em ne Plateau. Hettiswiu ligt am ne nördlech abhängende Hang mit Blick bis a Jura. D Nachburgmeinde si Mötschwiul im Norde, Burdlef im Nordoschte, Oberburg im Oschte, Lützeflüe im Südoschte, Vechige im Süde, Bouige im Südweschte, Bäriswiu im Weschte u Matstette u Hingubank im Nordweschte.

Gschicht

D'Näme vo de Ortschafte si wi fougt ds erscht Mau uftoucht: Chrouchtu 1108-22 aus Crouchtal, Hettiswiu 1107 aus Otthonis villare (1281 Ettiswile), Hueb u Dieterswaud 1329 u dr Thorbärg 1196. Chrouchtu u Hettiswiu si bis zur Reformation 1528 dür d'Kartouse Thorbärg u em Cluniazeserpriorat Hettiswiu prägt worde. Ds Schloss Thorbärg isch nach dr Reformation aus Sitz für Landvogtei vo Bärn brucht worde u dient hüt aus Strafaaschtaut.

Ywohner

Quäuue: Bundesamt für Statistik 2005[2]

Jahr18501860187018801888190019101920
Ywohner22852377251025052264212219012017
Jahr19301941195019601970198019902000
Ywohner18451753181418251909182620832480

Dr Uusländeraateil isch 2010 bi 3,8 % gläge.[3]

Religion

76 % vo de Ywohner si evangelisch-reformiert, 8,5 % si römisch-katholisch (Stang 2000).[3]

Politik

Bi de Nationauraatswahle 2011 het s das Ergebnis ggää:[3] BDP 19,0 %, CVP 0,9 %, EVP 3,3 %, FDP 7,6 %. GLP 2,5 %, GP 7,2 %, SP 16,1 %, SVP 37,0 %, Suschtigi 6,4 %.

Gmeindspresidänt vo Chrouchtu isch dr Claude B. Sonnen (Stang 2013).

Sidlig

Näbem Dorf si in ere höche Felswang unger der Chrüzflue Höhline, wo sid der Steizyt bewohnt gsi si; hüt si dört d Hüser vom Wiler Fluehüsli, wo me no immer dinne cha läbe.

Sport

Chrouchtu het ä Frouekorbbaumannschaft, wo i de höchschte nationale Stärcheklassene mitkämpft (Stang 2010). Zudäm verfüegt Chrouchtu über ne Manneunihockeymannschaft, wo ir 3. Liga schpiut.

Sprach u Dialäkt

Bir Vouchszeuuig 2000 hei vo de 2480 Ywohner 91,3 % Dütsch aus Houptsprach aaggää, 0,8 % Französisch u 0,4 % Italienisch.[3]

Dr Dialäkt vo Chrouchtu ghört zum Hochalemannisch.

 Commons: Krauchthal – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
  3. 1 2 3 4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.