| Kontrabass | |
|---|---|
| engl.: double bass, ital.: contrabbasso | |
 | |
| Klassifikation | Chordophon Striichinschtrument |
| Donumfang | 
|
| Verwandti Instrumänt | Giiga, Bratscha, Violoncello, Viola da gamba, Violone, E-Bass |
| Musiker | |
| Lischta vo Kontrabassischta Kategorie:Kontrabassist | |
Dr Kontrabass (o Bassgiiga, Abk.: Kb.) isch s tüüfschte und gröschte Striichinstrumänt und wörd us verschedana Arta vo Holz, meischtens Rottanna- und Ahorn-Holz, gmacht. Er hät entwedr vier odr füüf Saita ((1H –) 1E – A – D – G), wo met amna Boga gschtreha wören odr o met da Fingr zopft. D Kontrabäss wörden vo Kontrabassbauer hergschtellt, wo dr Bruaf Giigabauer glernt händ, sich abr net no met da klina Inschtrumenta bis zom Cello befassend.
Dr Kontrabass isch in vilna verschedana Mosegschtiil verträta, ma schpelt na im klassischa Sinfonieorkeschtr genauso wia im Jazz, im uurschprüngliha Rock’n’Roll und i dr Volksmoseg.
Ufbau
D Kontrabäss wiisend Element vo dr Gamba und vo dr Giiga uf, sodass ma net genau säga ka, i welhe Famele sie ghören.
S git o verschiedene Usfüahrega met meh odr weniger schtarka Iiflöss vo dr aana oder andera Sita, zom Bischpiel statt em Schnegg wia bir Giiga an Lööwakopf wia bir Gamba.
