D Kommunaalwaale z Baade-Württebärg 2019 häi zur gliiche Zit wie d Öiropawaal 2019 stattgfunde, am Sunndig, dr 26. Mai 2019.[1]

Gweelt worde si d Mitgliider vo de Gmäindirööt für die neggste fümf Joor in 1101 Stedt und Gmäinde, d Mitgliider vo de Ortschaftsrööt in de 410 Gmäinde mit Ortschaftsverfassige, d Mitgliider vo de Kräisdääg in de 35 Landkräis und d Mitgliider vo dr Regionaalversammlig vom Verband Regioon Stuegert. D Weeler häi Stimme uf äinzelni Kandidaate chönne aasammle (kumuliere) und au iiri Stimme uf Kandidaate vo underschidlige Waalvorschlaagsliste chönne verdäile (panaschiere). D Sitz wärde wie scho 2014 noch em Sainte-Laguë- bzw. em Schepers-Verfaare verdäilt,[2] was bedütet, ass dr Stimmaadäil für d Bardeien bzw. d Weelerveräinigunge berücksichtigt wird wie au d Stimme für die äinzelne Kandidaate. As baaden-württebärgischi Bsunderhäit isch bi dr Waal vo de Verdräter in de kommunaale Gremie in öbbe 40 % vo de Gmäinde[3] die „Unächti Däilortswaal“ aagwändet worde.

Im Vergliich zu de Kommunaalwaale z Baade-Württebärg 2014 häi dank ere Nowälle in dr Gmäindornig, wo vom Landsdaag am 14. Oktober 2015 verabschiidet worde isch, Kandidaate, wo mitenander verwandt gsi si, chönne gweelt wärde.[4]

Waalvorschleeg häi bis zum 28. Merz 2019 chönne iigräicht wärde.[5]

D Resultaat vo de Gmäindirootswaale

Bi de Gmäindirootswaale 2019 het s in de 1'101 baade-württebärgische Gmäinde im Ganze 8'590'688 Waalberächtigti gee; vo deene si 5'031'165 go weele (58,6 % Waalbedäiligung; 2014: 49,1 %). 162'059 Stimmzeddel si ungültig gsi (3,2 %; 2014: 3,1 %).

S Gsamtergäbnis vo de Waale (in Chlammere: dr Underschiid zu 2014):[6]

Gmäindirootswaale 2019
(statistischi Gsamtergääbniss;
gültigi Stimme)
Bardei /
Weelergrubbe		Stimmenaadäil
Weelerveräinigunge * 30,6 % (−0,8)
CDU 22,3 % (−6,0)
Die Grüene 17,2 % (+5,7)
SPD 14,2 % (−3,5)
AfD 3,0 % (+1,5)
FDP 5,1 % (+1,4)
Gmäinsaami Waalvorschleeg
vo Bardeie und Weelerveräinigunge		 3,2 % (−0,1)
Die Linggi 2,3 % (+0,6)
anderi Bardeie 2,1 % (+1,2)
Waalbedäiligung: 58,6 % (+9,5)

* Weelerveräinigunge: Örtligi Mitgliidsveräin vom Landesverband Baade-Württebärg vo de Freie Weeler und unabhängigi örtligi Weelergrubbe.

D Resultaat vo de Kräisdaagswaale

Bi de Kräisdaagswaale 2019 het s in de 35 baade-württebärgische Landkräis im Ganze 7'129'677 Waalberächtigti gee; vo deene si 4'180Ä907 go stimme (58,6 % Waalbedäiligung; 2014: 49,6 %). 122.616 Stimmzeddel si ungültig gsi (2,9 %; 2014: 3,3 %).

S Gsamtergäbnis vo de Waale (in Chlammere: dr Underschiid zu 2014)::[7]

Kräisdaagswaale 2019
(statistischi Gsamtergääbniss;
gliichwärtigi Stimme *)
Bardei /
Weelergrubbe		Stimmenaadäil
CDU 28,3 % (−7,4)
Weelerveräinigunge ** 24,2 % (−0,1)
Die Grüene 17,5 % (+5,2)
SPD 14,0 % (−3,6)
FDP 6,2 % (+1,6)
AfD 5,5 % (+4,6)
Die Linggi 2,0 % (+0,2)
Gmäinsaami Waalvorschleeg
vo Bardeie und Weelerveräinigunge		 1,3 % (−0,6)
anderi Bardeie 0,9 % (−0,1)
Waalbedäiligung: 58,6 % (+9,0)

* Gliichwärtigi Stimme: d Zaal vo de gültige Stimme däilt dur die örtlig underschiidligi Zaal vo de Stimme bro Weelere und Weeler.
** Weelerveräinigunge: Örtligi Mitgliidsveräin vom Landesverband Baade-Württebärg vo de Freie Weeler und unabhängigi örtligi Weelergrubbe.

Literatur

  • Statistisches Landesamt Baden-Württemberg: Endgültige Ergebnisse der Wahlen der Gemeinderäte und Kreisräte in Baden-Württemberg sowie der Regionalversammlung des Verbands Region Stuttgart am 26. Mai 2019. Stuttgart 2020 (Statistische Berichte aus Baden-Württemberg, Bevölkerung und Kultur, B VII 3 - 2/19) (Online as pdf)

Weblingg

Fuessnoote

  1. ↑ Südwest Presse, Neckar-Chronik: Kommunalwahlen im Südwesten wie Europawahl am 26. Mai (Memento vom 20. Februar 2019 im Internet Archive), 13. Juli 2018 (dpa/lsw); abgrüeft am 21. Juni 2019.
  2. ↑ Landeszentrale für politische Bildung Baden-Württemberg: Wie wird gewählt? / So werden die Sitze verteilt; abgrüeft am 21. Juni 2019.
  3. ↑ Badische Zeitung: Unechte Teilortswahl ist Geschichte - Schallstadt - Badische Zeitung. Abgruefen am 17. März 2019.
  4. ↑ Gesetzblatt vom 30. Oktober 2015. Nr. 19, 30. Oktober 2015, S. 872 (landtag-bw.de [PDF; abgerufen am 7. März 2019]).
  5. ↑ Landeszentrale für politische Bildung Baden-Württemberg: Kommunalwahl 2019, Termine (Memento vom 29. Jänner 2014 im Internet Archive); abgrüeft am 21. Juni 2019.
  6. ↑ Statistisches Landesamt Baden-Württemberg: Gemeinderatswahlen 2019, Land Baden-Württemberg; abgrüeft 21. Juni 2019.
  7. ↑ Statistisches Landesamt Baden-Württemberg: Kreistagswahlen 2019, Land Baden-Württemberg; abgrüeft am 21. Juni 2019.


Dä Artikel basiert uff ere fräie Übersetzig vu dere Version vum Artikel „Kommunalwahlen_in_Baden-Württemberg_2019“ vu de tüütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.