S Chloster Riichenau isch e ehmolegi Abtai vo de Benediktiner uf de Insle Riichenau im Bodesee.

s Chloster Riichenau

Gschicht

De Pirmin hät 724 uf de gröschte Insle im Bodesee s Chloster gründet. De Abt Waldo hät gege Endi vom 8. Johrhunder d Riichenauer Chlosterschuel gründet. Ums Johr 800 hät am Westendi vo de Insle, hüt Niderzäll, de Egino, en ehemolige Bischof vo Verona, d Cherche Sankt Peter und Paul baue loo. Geges Endi vom 9. Johrhundert isch uf de östliche Site vo de Insle d Cherche Sankt Georg errichted worde.

En Abt Markus hät im Johr 1540 d Laitig vom Chloster em Bischof vo Konstanz übergee. Es isch dänn bis zu sinnere Uflösig anno 1757 e Priorat blibe. 1803 händ di letschte drü Mönch d Insle verloo.

Widerbeläbig

Sit em Johr 2004 läbt z Niderzäll offiziell wider e chlinni Gmainschaft vo Benediktiner, wo för di seelsorgerliche Ufgobe uf de Insle zueständig sind.[1]

UNESCO-Wälterbi

Sit em Johr 2000 isch d Insle Riichenau wäg em ehmolige Chloster und sine Schrifte[2] uf de Liste vom UNESCO-Wälterbi.[3]

Persönlichkaite

  • Hatto III. vo 888 bis 913 Abt vom Chloster, vo 891 bis 913 au Erzbischof vo Mainz (891–913) gsi
  • Walahfrid Strabo, vo 842 bis 849 Abt vom Chloster
  • Meginrat (797–861), en Mönch, wo spöter s Chloster Aisidle gründet hät
 Commons: Chloster Riichenau – Sammlig vo Multimediadateie

Fuessnote

  1. ↑ Cella St. Benedikt – Insel Reichenau d Website vo de Chlostergmainschaft uf de Riichenau
  2. ↑ Die Handschriften des Klosters Reichenau Abhandlig vo de Dorothea Mayer us em 2005 uf blb-karlsruhe.de
  3. ↑ Die Handschriften des Klosters Reichenau bei der Badischen Landesbibliothek Archivlink (Memento vom 5. Oktober 2015 im Internet Archive) abgruefe am 29. September 2012
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.