| Einheit | |
|---|---|
| Norm | SI-Basiseiheit |
| Name | Kelvin |
| Grössi | Temperatur |
| Eiheitezeiche | K |
| Daift uf | Lord Kelvin |
| Dialäkt: Markgräflerisch (Ebringe) |
S' Kelvin (Symbol: K) isch d'SI-Basiseiheit vu dr Temperatur un eini vu dr siibe SI-Basiseiheite.. S'Kelvin isch e Eiheitemass vu dr Temperatur uf dr thermosdynamische (absolute) Temperaturskala.
D'Eiheit “Kelvin” un ihr Skala sin nooch internationalem Yberichumme dur zwei Punkte definiert: Dem absolute Nullpunkt, wo zue 0 K definiert isch un em Tripelpunkt vum Wasser, wo zue 273,16 K festglegt isch.
Bi 0 K isch die kinetisch Bewegig vu Materie null un d'Materie enthaldet keinerlei Wärmeenergi.
Dur die Definition vu dr beide Fixpunkte vu dr Kelvinskala handelet es sich bi sällere um e um 273,15 Grad verschobeni Celsiusskala. Fer d'Umrechnig zwische Celsius, Kelvin un Fahreheit (in dr USA gebrüchlich) lueg in dr Tabelle obe rechts.
Einige wichtige Temperature uf dr Kelvin- un Celsiusskala sin in dr Tabelle unde nooch ufgfüehrt:
| Punkt | Kelvin | Celsius | Fahrenheit |
|---|---|---|---|
| Abosluter Nullpunkt (Definierter Wert) |
0 K | –273.15 °C | −459.67 °F |
| Gfrierpunkt vu Wasser bi 1013 hPa 1. |
273.15 °K | 0 °C | 32 °F |
| Tripelpunkt vum Wasser (Definierter Wert) |
273.16 K | 0.01 °C | 32.018 °F |
| Sidepunkt vum Wasser bi 1013 hPa 1 |
373.1339 K | 99.9839 °C | 212 °F |
1 Fer Wiiner Standard Durchschnittsozeanwasser bi einere Standardatmosphäri (101.325 kPa), einzig kalibriert dur d'Zweipunktdefinition vu dr thermodynamische Temperatur.
S'Kelvin isch daift uf dr britisch Physiker un Ingenieur Lord Kelvin; Si Grafschaft isch noochem Kelvin daift, wo au dur s'glände vu dr Universität Glasgow verlauft.
Typographischi Konventione
Bis zue dr 13. Allgmeine Konferenz iber Gwichte un Masse (AKGM) 1967/68, isch d'Kelvineiheit wie die andere Temperatureiheite au als e "Grad" bezeichnet worre, also "Grad Kelvin" oder au "absoluti Grad". Wie im dytsche bi Temperatureiheite yblich, isch d'Mehrzahl vu Kelvin au Kelvin.
Uf sällere Konferenz isch au festglegt worre, dass d'Eiheite vu Kelvin un Grad Celsius identisch sin.
S'Kelvinsymbol isch immer e grosses K in Normalschrift. S chlei k isch degege SI-Vorzeiche fer 1 × 103, also Dausend bzw. kilo. SI-Eiheite werre grundsätzlich mit kursiv gschribe. Säll isch Veraiable vorbehalte. Zwische numerischem Wert un Klevinzeiche stot in dr Regel au e Leerzeiche.
Unicode enthaldet s' "Kelvinzeiche" als U+212A (was im Browser wie e K ussiht), was aber dur U+004B - also s'gwöhnlich K - ersetzt werre soll.
D'Kelvin- un d'Celsius-Skala
| Umrechnig vu | zue | Formle |
|---|---|---|
| Kelvin | Grad Celsius | °C = K - 273.15 |
| Grad Celsius | Kelvin | K = °C + 273.15 |
| Kelvin | Grad Fahrenheit | °F = K × 1.8 − 459.67 |
| Grad Fahrenheit | Kelvin | K = (°F + 459.67) / 1.8 |
| Kelvin | Elektronevolt | K / 11,604.5 = eV |
| Elektronevolt | Kelvin | eV × 11,604.5 = K |
| Bem.: Fer Temperaturunderschide, nit z'verwechsle mit Temeraturagabe, giltet, 1 K = 1 °C un 1 K = 1.8 °F Vergliiche zwische verschidene Temperaturskale Umrechnig fer Temepratureiheite | ||
In dr Natur- un Imgenieurswisseschafte werre Temperaturagabe im Kelvin un Celsius oft wild dureander benutzt, was devu herrüehrt, dass Temperaturintervalle in beide Skale die glich Eiheit benutze un Agabe in Celsius au noch dr SI erlaubt sin.
Degege wird in an e breiters Publikum grichtete Veröffetlichige d'Mischig vu dr Skala vermiide un im in dr Regel bekanntere Celsius dr Vorzug gäbe.
Weblink
Quelle
- [1] Resolution 3 vu dr 13. AKGM (1967/68)
- BIPM Bruschüre zum Kelvin
- Barry N. Taylor, Guide for the Use of the International System of Units (SI), Washington, D.C.:Government Printing Office, 1995 HTML-Version PDF-Version
- Merriam-Webster's Collegiate Dictionary, Eleventh Ed., 2003.
Dr Bitrag iber Kelvin basiert uf ere freie Ybersetzig vum englische Bitrag Kelvin vum 29.06.2006. Fer d'Versionsgschicht un d'Diskussion lueg dert.