d Julia Weber, 2022

D Julia Weber (* 1983 z Moshi, Tansania) isch e Schwyzer Schriftstelleri.

Lääbe

D Julia Weber isch anne 1983 z Moshi, Tansania uf d Wält chuu, wu iri Eltere ne Farm pachtet un Safari organisiert ghaa hän.[1] Anne 1985 isch d Familie uf Züri retuurchuu, wu d Eltere hite ne Biofachhandel hän. No dr Schuel het d Julia Weber Fotofachaagstellti gleert. Si het d Erwagsenematura gmacht un derno vu 2009 bis 2012 literarisch Schrybe am Schwyzerische Literaturinschtitut z Biel studiert.[2] D Julia Weber läbt mit irem Mann, em dytsche Schriftsteller Heinz Helle, un dr zwai gmainsame Chinder z Züri.

Anne 2012 het si dr Literaturdienst grindet, wu si literarischi Dokumäntazione, tippt uf ere Hermes Baby, zue Aaläss wie Hochzyte oder Geburtstagsfyre aabietet. Mit dr Gianna Molinari het si d Chunschtakzionsgruppe Literatur für das, was passiert grindet, wu si mit andere Autorne un Autore zämedue het, go mit irem schrybe Mänsche uf dr Flucht hälfe.[3] S Projäkt het 2016 e Anerkännigsgab vu dr Stadt Züri in Hechi vu 10'000 Franke iberchuu.

2017 isch s Julia Webers Debütroman Immer ist alles schön im Limmat Verlag uusechuu. Im nämlige Johr het dr Roman dr internazional Franz-Tumler-Literaturbryys iberchuu un isch derzue au fir dr Klaus-Michael Kühne-Bryys un dr Schwyzer Buechbryys 2017 nominiert wore.

Anne 2019 het d Julia Weber zäme mit dr Katja Brunner, dr Anaïs Meier, dr Gianna Molinari, dr Sarah Elena Müller, dr Michelle Steinbeck un dr Tabea Steiner s feministisch Autornekolläktiv RAUF grindez.[3][4]

2021 isch d Julia Weber uf Yyladig vum Michael Wiederstein zum Ingeborg-Bachmann-Bryys 2021 yyglade wore. Mit irem Täxt Ruth het si s bis uf Shortlist gschafft.

Im April 2022 erschien Die Vermengung im Limmat Verlag. Das Buch wurde von der Presse in der Schweiz[5][6][7][8][9] un z Dytschland[10][11][12] seli globt wore un het en Anerkännigsbydrag vum Kanton Züri kriegt.[13]

Im Summer 2022 isch d Julia Weber zäme mit ire Familie fir e baar Moent uf Rom in d Casa Baldi (Villa Massimo) zoge un het Brief an läbigi un verstorbeni Autor*ne gschribe.

Wärch

  • 2009: Lebenswert AG. Uruffierig: Kulturfabrik Binz, Züri.
  • 2009: Der Zwischenraum. Uruffierig: Kulturfabrik Binz, Züri.
  • 2015: Aber die Plastikmenschen. Erzählung. Verlag Büro für Problem.
  • 2016: Varianten der Angst in Wie wir leben wollen. Anthologie. Suhrkamp Verlag, Berlin 2016, ISBN 978-3-518-46710-7.
  • 2017: Immer ist alles schön. Roman. Limmat Verlag, Zürich 2017, ISBN 978-3-85791-823-0.
  • 2022: Die Vermengung. Limmat Verlag, Zürich 2022, ISBN 978-3-03926-041-6.

Uuszaichnige un Nominierige

  • 2012: Finalischti bim Literaturbryys Wartholz
  • 2014: Literaturkurs-Stipändiati vu dr Tage der deutschsprachigen Literatur, Klagenfurt
  • 2017: Internationaler Franz-Tumler-Literaturbryys fir Immer ist alles schön[14]
  • 2017: Nominierig fir dr Klaus-Michael Kühne-Bryys, Hamburg, mit Immer ist alles schön
  • 2017: Nominierig (Shortlist) fir den Schwyzer Buechbryys mit Immer ist alles schön[15]
  • 2018: Alfred Döblin-Medaille vu dr Akademie der Wissenschaften und der Literatur Mainz fir ire bishärige literarische Arbete[16]
  • 2018: Ferderbryys zum Droste-Bryys fir Immer ist alles schön
  • 2021: Conrad-Ferdinand-Meyer-Bryys[17]
  • 2021: Nominierig zum Ingeborg-Bachmann-Wettbewärb.[18]
  • 2022: Anerkännigsbydrag vum Kanton Züri fir Die Vermengung[13]
  • 2024: Alemannische Literaturbryys[19]

Fueßnote

  1. ↑ Alexander Sury: Expeditionen ins innere Afrika. In: Tages-Anzeiger. 16. Dezämber 2013.
  2. ↑ Julia Weber, Biel/Bienne (CH), Tage der deutschsprachigen Literatur 2014. In: archiv.bachmannpreis.orf.at. Abgruefen am 20. Septämber 2017.
  3. 1 2 Julia Weber. In: limmatverlag.ch. Abgruefen am 20. Septämber 2017.
  4. ↑ Martina Läubli: Gruppe RAUF macht auf literarische Meisterinnen aufmerksam. Abgruefen am 20. März 2021.
  5. ↑ Julian Schütt: Schweizer Autorin schreibt: weg mit Arschlöchern wie Max Frisch. Abgruefen am 27. Oktober 2022.
  6. ↑ Zürcher Schriftstellerin – Mutter und Künstlerin sein – geht das? Abgruefen am 31. Oktober 2022.
  7. ↑ Julian Schütt: Schweizer Autorin schreibt: weg mit Arschlöchern wie Max Frisch. Abgruefen am 31. Oktober 2022.
  8. ↑ Neuer Roman von Julia Weber - Kunst, Kinder und andere Komplikationen. 8. April 2022, abgruefen am 31. Oktober 2022.
  9. ↑ Gesichter & Geschichten - Studiogästin Julia Weber mit viel Intimem in ihrem zweiten Buch - Play SRF. Abgruefen am 31. Oktober 2022.
  10. ↑ Salome Müller: "Die Vermengung": Postleitzahl: 1200. In: Die Zeit. 28. April 2022, abgruefen am 27. Oktober 2022.
  11. ↑ Meredith Haaf: Kunst und Kinder: Das Schriftstellerpaar Julia Weber und Heinz Helle. Abgruefen am 31. Oktober 2022.
  12. ↑ "Die Vermengung" von Julia Weber. 21. Juli 2022, abgruefen am 27. Oktober 2022.
  13. 1 2 Der Kanton fördert vielfältiges Literaturschaffen. Abgruefen am 27. Oktober 2022.
  14. ↑ Franz-Tumler-Literaturpreis 2017 geht an Julia Weber. In: suedtirolnews.it. 16. Septämber 2017.
  15. ↑ Die Nominierten stehen fest. In: boersenblatt.net. 19. Septämber 2017.
  16. ↑ Petra Plättner: Alfred Döblin-Medaille 2018 für Julia Weber. Akademie der Wissenschaften und der Literatur, Mainz, Pressemitteilig vom 1. Februar 2018 beim Informationsdienst Wissenschaft (idw-online.de), abgruefen am 1. Februar 2018.
  17. ↑ C.F. Meyer-Stiftung vergibt drei Preise. In: zentralplus.ch. 13. Dezember 2020, abgruefen am 15. Dezember 2020.
  18. ↑ https://bachmannpreis.orf.at/stories/teamautoren
  19. ↑ Alemannischer Literaturpreis 2024 geht an Julia Weber, nau.ch, 11.01.2024
Dä Artikel basiert uff ere fräie Übersetzig vu dere Version vum Artikel „Julia_Weber_(Schriftstellerin)“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.