Amedeo Modigliani: Porträt vom Juan Gris, 1915, Metropolitan Museum of Art, Nöi York

Dr Juan Gris (* 23. Merz 1887 z Madrid; † 11. Mai 1927 z Boulogne-sur-Seine, Frankriich; äigentlig José Victoriano Carmelo Carlos González-Pérez) isch e schbanische Mooler gsi.

Näben em Pablo Picasso und em Georges Braque isch er dr Hauptverdräter vom sünthetische Kubismus. Dr Gris het vor Allem Stilllääbe gmoolt. In deene het er Bildelimänt as Collasche näben- und überenander gsetzt. Dr Gris het die nöije Gstaltigsbrinzipie vom Kubismus in e razionaals Süsteem integriert und het sich wääred sim aktive Lääbe immer Müe gee, au d Theorii hinder siner Kunst z erklääre.[1]

Galerii

Wärk (Uswaal)

  • Hüüser z Bariis (Solomon R. Guggenheim Museum, Nöi York), 1911
  • Stilllääbe mit Chrueg (Privatbsitz Dr. Speiser, Basel), 1912
  • Stilllääbe mit ere Gitarre (Metropolitan Museum of Art, Nöi York), 1913
  • Dr Raucher (Museo Thyssen-Bornemisza, Madrid), 1913
  • D Teetasse (K20-Kunstsammlung Nordrhein-Westfalen, Düsseldorf), 1914
  • S Morgenässe (Musée national d'art moderne, Centre Pompidou, Bariis), 1915

Liddratuur

  • Juan Gris - Leben und Werk, Daniel-Henry Kahnweiler. Hatje, Stuttgart, 1968
  • Assouline, Pierre: Der Mann, der Picasso verkaufte  –  Daniel-Henry Kahnweiler und seine Künstler, Gustav Lübbe Verlag, Bergisch-Gladbach 1990, ISBN 3-7857-0579-4
  • Die 100 des Jahrhunderts – Maler. Hrsg. von Jordan/Lenz. Rowohlt, Reinbek 1995, ISBN 3-499-16456-6

Weblingg

 Commons: Juan Gris – Sammlig vo Multimediadateie

Fuessnoote

  1. ↑ Anne Ganteführer-Trier: Kubismus, 2007 S. 56
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.