Dr John Webber, äigentlig Johann Wäber (* 6. Oktober 1751 z London; † 29. April 1793 z London), isch en änglische Mooler vo schwizerischer Härkumft gsi.
Lääbe
Dr John Webber isch dr Soon vom Bärner Bildhauer Abraham Wäber gsi, wo uf London usgwanderet isch, und isch dört uf d Wält choo. Vo 1757 aa het er z Bärn gläbt bi sinere umverhürooteti Dante Rosina Wäber, wo d Schwöögere vom Ebenist Mathäus Funk gsi isch. Vo 1767 bis 1770 isch er Leerling bim Landschaftsmooler Johann Ludwig Aberli gsi und het denn an dr Académie Royale z Bariis studiert. E groosse Däil vo sinere Zit het dr Webber z London gläbt.
Vo 1776 bis 1780 isch er as Zäichner uf die dritti Südsee-Expedizioon vom James Cook gange. Zrugg us dr Südsee het dr Webber bi Ustellige vo dr Royal Academy sini Wärk zäigt, und isch 1791 en R.A. (Köönigliche Akademiker) vo dr Royal Academy worde. Er het vor allem Landschafte gmoolt, mänggisch mit Gstalte din wie im Bild A Party from H.M.S. Resolution shooting sea horses, wo 1784 in dr Royal Academz usgstellt worde isch, und si The Death of Captain Cook isch as Stich bekannt worde.
Dr Webber isch 1793 z London gstorbe.
Galerii
E Frau us Eaoo (Eua Island)
E Höiptling uf de Sandwitsch Insle, 1787
Abbey Mill, Shrewsbury
Belletristik
- Lukas Hartmann: Bis ans Ende der Meere. Roman. Diogenes, Zürich 2009. ISBN 3-257-06686-4
Literatur
- William Hauptman e.a.: John Webber 1751-1793. Landschaftsmaler und Südseefahrer. Pacific voyager and landscape artist (Ausstellungskatalog), Bern/Manchester 1996.
- William Hauptman: Henry Webber and Johann Friedrich Funk: Observations on two Portraits by John Webber. Zeitschrift für schweizerische Archäologie und Kunstgeschichte, Bd. 56 (1999) Digitalisat
Weblingg
 |
Dä Artikel basiert uff ere fräie Übersetzig vum Artikel „John_Webber“ vu de dütsche Wikipedia. E Liste vu de Autore un Versione isch do z finde. |