Dr John Hancock

Dr John Hancock (* 24. Oktoower 1824 z’ Bellefonte, Jackson County, Alabama; † 19. Jüüli 1893 z’ Austin, Texàs) ìsch a US-àmerikànischer Politiker gsìì. Zwìscha 1871 un 1885 hàt’r zwaimol dr Bundesschtààt Texàs ìm Represantàntahüüs vu da Verainigta Schtààta vertratta.

sii Laawa un Kàrriar

Dr John Hancock ìsch ànna 1824 z’ Bellefonte ìm Norda vum Bundesschtààt Alabama-n-uff d’ Walt kumma. Ar ìsch dr Suhn gsìì vum John Allen Hancock. Ar ìsch ìn siinera Haimet ìn d’ Schüala gànga un hàt d’rnooh àn dr Üniwärsiteet vum Tennessee z’ Knoxville gschtudiart. Ar hàt schpeeter Racht gschtudiart un ìsch ànna 1846 àls Rachtsànwàlt züagloo worra. Àls Ànwàlt hàt’r z’äärscht z’ Austin àb Janner 1847 gschàfft. Vu 1851 bis 1855 ìsch’r Rìchter gsìì ìm zwaita Grìchtsbezirk vum Texàs. Doo druff ìsch’r nochamol prìwààter Rachtsànwàlt gsìì. Üsserdam ìsch’r Pflànzer un Vììhzìchter worra. Gliichzittlig hàt’r siina politischa Kàrriar ààgfànga, àls Mìtglììd vu dr Demokrààtischa Pàrtäi. Ànna 1860 un 1861 ìsch’r Àbgoordnet’r gsìì ìm Represantàntahüüs vum Texàs.

Dr Hancock ìsch a Geegner vu dr Sezässion gsìì un hàt sìch gwaigert, noh-n-em Biitrìtt vum Schtààt Texàs züa dr Konfederàzioon, dr Träija-Aid uff daa näijer Schtààt z’ laischta. Wagadam ìsch’r vum Pàrlàmant üssgschlossa worra. D’rnooh hàt’r wììder àls Ànwàlt gschàfft. Wial’r sìch noch gwaigert hàt, ìn ìrgendainer Form d’ Konfederàzioon z’ diana, ìsch dr Druck uff’na so schtàrk gsìì, àss’r s’ Texàs hàt müassa fàraloo. Numma noh-n-em And vum Bìrgerkriag ìsch’r doo z’ruckkumma.

Politisch ìsch dr Hancock Mìtglììd gsìì ìn dr Demokrààtischa Pàrtäi. Ànna 1866 ìsch’r Delegiart’r gsìì uff’ra Versàmmlung, wo Verfàssung vum Texàs verschàfft hàt. Bii dr Kongrasswàhl vu 1870 ìsch’r ìm viarta Wàhlbezirk vu siim Schtààt ìns US-Represantàntahüüs gwählt worra. Ìm Hüüs z’ Washington, D.C. ìsch’r àb’m 4. März 1871 gsìì — doo ìsch’r ìm Eduard Degener sii Noohfolger gsìì. Ar ìsch zwaimol wììdergwählt worra un ìsch àlso bis àm 3. März 1877 ìm Kongrass blììwa. Sitter 1875 hàt’r dr fìmfta Dischtrikt vum Texàs vertratta. Ànna 1876 hàt’na siina Pàrtäi nìmm fìr a Wììderwàhl nominiart. Ànna 1882 ìsch jedoch dr Hancock ìm zehnta Bezirk vu siim Schtààt ìn dr Kongrass gwählt worra — daa Bezirk ìsch grààd eewa-n-ärschtällt worra gsìì. Ìm Kongrass hàt’r zwìschem 4. März 1883 un em 3. März 1885 gsassa. Ànna 1884 hàt’r sìch nìt fìr a Wììderwàhl uffgschtällt.

Noh-n-em And vu siinera Àmtszitt ìm US-Represantàntahüüs hàt dr Hancock wììder àls Ànwàlt gschàfft. Ar ìsch àm 19. Jüüli 1893 z’ Austin gschtoorwa.

Lìteràtüür

• Anne W. Hooker: Hancock, John (1824–1893). In: Handbook of Texas Online. Texas State Historical Association (amerikanisches Englisch, tshaonline.org [abgerufen am 7. Februar 2023]). 
• Hancock, John. In: Biographical Encyclopedia of Texas. 1880, S. 58 (amerikanisches Englisch, unt.edu [abgerufen am 7. Februar 2023]). 

Weblìnks

 Commons: John Hancock (Politiker, 1824) – Sammlig vo Multimediadateie

• John Hancock im Biographical Directory of the United States Congress
• John Hancock (Politiker, 1824) in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „John_Hancock_(Politiker,_1824)“ vu de hochdütsche Wikipedia. E Liste vu de Autore un Versione isch do z finde.