Koordinate: 47° 34′ 39,8″ N, 7° 35′ 17,7″ O; CH1903: 611258 / 269680
| Dialäkt: Baseldütsch |
S Insleschuelhuus isch e Schuel im Stiil vom Juugedstiil und befindet sich an dr Inslestrooss 41-45 im Klybeckkwardier im Chläibaasel. Es isch äins vo de Baasler Kulturgüeter, wo für d Region vo Bedütig si.
Dr Baasler Archidekt und Hochbauinspäkter Theodor Hünerwadel (1864-1956) het d Blään für s Schuelhuus gmacht. 1906 het mä s afo baue. Im Joor druf isch e Sträik usbroche und wäge däm isch s Schuelhuus erst 1908 fertig worde.
Ursprünglig isch s e Sekundarschuel für Buebe gsi; hüte isch s e Brimarschuel.
Dr Naame vom Schuelhuus chunnt vo dr Strooss, wo s dra lit und die het dr Naame von ere Insle, wo s mee as hundert Joor vorhär dört im Rhii gee het und wo bin ere Rhiiuferkorrekzioon verlandet isch.
Kwelle
- «Das neue Knabensekundarschulhaus an der Inselstrasse in Basel: Architekt Hochbauinspektor Th. Hünderwadel in Basel» in Schweizerische Bauzeitung Band (Jahr): 53/54 (1909), Heft 6 - As PDF abrüefbar
- Eric Bertels: Hindernisfreies Bauen bei schützenswerten Gebäuden und Anlagen - Beispiel Kanton Basel-Stadt (Site cha nüme abgrüeft wärde; Suche im Webarchiv)
- Woher stammt der Name des Inselschulhauses? uf altbasel.ch, abgrüeft am 2. Februar 2015