de Zephyros und de Hyakinthos bim Liebesspiil, öppe 480 v. Chr.

De Hyakinthos isch e höbsche spartanische Jöngling gsii und de Gliebti vom Apollon, vom Westwind Zephyros und vom Kitharoid Thamyris, de letscht isch nochde Bibliotheke vom Apollodor de ersti Maa gsi, wo en andere Maa gliebt hett.[1]

De Hyakinthos isch de Soo vom mythische Spartanerkönig Amyklas gsii. Noch dem isch de spartanisch Kultort Amyklai binennt, wo jedes Joor d Hyakinthie gfiiret woore sind, e wichtigs Fest vo de Spartaner.

De Apollon und de Hyakinthos hend i de Berge vo Lakonie mitenand gjagt. Si hend sich uuszoge und eri Körper mit Ööl iigribe und afange Diskos spile. Do het de iifersüchtig Zephyros miteme Windhuuch de Diskos vom Apollon abglenkt, und de Hyakinthos isch töödlich troffe woren. Usem Bluet isch e Pflanze gwachse, wo noch em binennt woren isch, die isch aber nöd identisch mit üsere Hyazinthe. Nochem Nonnus het de Zephyros Trost bim Kyparissos gfunde.

Literatur

  • Edward Tripp: Reclams Lexikon der antiken Mythologie. Stueggert, 1991. ISBN 3-15-010371-1
  • Fritz Graf: Hyakinthos. In: Der Neue Pauly (DNP). Band 5, Metzler, Stuttgart 1998, ISBN 3-476-01475-4, Sp. 765–767.

Anzelnoowiis

  1. ↑ Apollodor: Bibliotheke 1,3,3
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.