Hochschule für Rechtspflege Schwetzingen
Gründig 14. Juli 1953
Drägerschaft staatlich
Ort Schwetzinge
Bundesland Baade-Wiirtebäärg
Land Dytschland
Räkter Frank Haarer[1]
Studänt*ene 696 WS 2018/19[2]
Website www.hfr-schwetzingen.de
Dialäkt: Undermarkgreflerisch
Hoochschuel fir Räächtsbflääg

Die Hoochschuel für Räächtsbflääg Schwetzinge isch e staatligi Yyriichtig vum Land Baade-Wiirtebäärg z Schwetzinge. Si isch e intärni Hoochschuel, wu d Räächtsbfläägaawäärter*ne vu dr Länder Baade-Wiirtebäärg, Ryyland-Bfalz un Saarland in eme dreijeerige Stuudiegang zue Diploom- Räächtsbflääger*ne (FH) uusbildet wääre.

Syt em 1. Septämber 2016 wäären an dr Schwetzinger Hoochschuel zum eerschte Mool au Griichtsvollziegeraawärter*ne vum Land Baade-Wiirtebäärg in eme bundeswyt ainzigaartige dreijeerige Bachelorstuudiegang zum/zur Griichtsvollzieger*ne (LL.B.) uusbildet.[3]

Gschiicht

Anne 1953 het s Land Baade-Wiirtebäärg z Schwetzinge ne juschtizaigeni Räächtsbfläägerschuel ufgmacht, wu Juschtizbeamti vum mittlere Dienscht zäme mit Abituriänte*ne zue Räächtsbflääger*ne uusbildet woore sin. Anne 1979 isch d Räächtsbfläägerschuel in e Fachhoochschuel vum Land Baade-Wiirtebäärg noch em Fachhoochschuelgsetz umgwandelt woore. Im Joor 1994 isch s Stuudium an dr Fachhoochschuel hoochschuelorientiert reformiert woore.

Standaort

D Hoochschuel bzw. iri Voorgängeryyriichtige sin syt ire Grindig im siidlige Schlossfliigel vum Schwetzinger Schloss unterbroocht. No umfangryyche Renovierigs- un Modärnisierigsmaaßnaame 2013 het dr Leerbedriib wider am gwoonte Standoort chenne ufgnuu woore, nodäm d Hoochschuel zytwyys uufglaageret gsii isch.

Stuudium

S fachwissenschaftliche Stuudium zum/zur Diploom-Räächtsbflääger*i goot in zwee Stuudienabschnitt:

Fachwisseschaftli Stuudium I

  • Duur: 12 Moonet
  • Zytruum: Septämber vum eerschte Uusbildigsjoor bis Juuli vum eerschte Uusbildigsjoor

In däm eerschte Stuudienabschnitt an dr Hoochschuel wääre d Räächtschänntnis vermittlet, wu s fir d Beruefspraxis bruucht.

Stuudiepraxis

  • Duur: 12 Moonet
  • Zytruum: Septämber vum zwaite Uusbildigsjoor bis Augschte vum zwaite Uusbildigsjoor

Im zwaite Joor soll s gleert Wisse us em fachwisseschaftlige Stuudium I in dr Praxis verdieft un doderby Aarbetswyyse gleert wääre. Där Abschnitt wird an Amtsgriicht un bi Staatsaawaltschafte duurgfiert. Z Baade-Wiirtebäärg cha mer die Praxiszyt au bi Notariaat un/oder Grundbuechämter absolviere.

Fachwisseschaftli Stuudium II

  • Duur: 12 Moonet
  • Zytruum: Septämber vum dritte Uusbildigsjoor bis Augschte vum dritte Uusbildigsjoor

Fueßnote

  1. ↑ Prässemitdailig
  2. ↑ Statistische Berichte Baden-Württemberg, Studierende an baden-württembergischen Hochschulen im Wintersemester 2018/19, Artikel-Nr. 3234 19001, B III 1 - j/19, S. 4. Abgruefen am 18. November 2019.
  3. ↑ Gerichtsvollzieher/in (LL.B.), Fachhoochschuel Schwetzinge

Koordinate: 49° 23′ 0,6″ N, 8° 34′ 20,5″ O

Dä Artikel basiert uff ere fräie Übersetzig vu dere Version vum Artikel „Hochschule_für_Rechtspflege_Schwetzingen“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.