dr Hermann Billharz, 2021

Dr Hermann Billharz (* 21. Februar 1963) isch e dytsche Ingenieur.

Lääbe

Dr Hermann Billharz isch im Schudderdaler Ortsdail Deerlebach ufgwagse un het 1979 an dr Realschuel z Säälbach di Mittler Ryfi gmacht.

Är het vu 1979 bis 1983 bi dr Altenburger Electronic e Uusbilidg zum Fyngrätelektroniker gmacht un derno vu 1986 bis 1990 an dr Fachhochschuel Offeburg Nochrichtetächnik/Eläktrotächnik studiert un im Februar as Diplom-Ingenieur abgschlosse.

Är het as Service- un Entwickligsingenieur vu 1990 bis 1992 bi dr Benninger Zell GmbH gschafft un vu 1992 bis Juli 1998 bi dr Siemens AG. Vu 1998 bis 2016 het er 18 Johr lang as Eläktroingenieur fir d Supfina Grieshaber GmbH & Co. KG gschafft. Syt 2016 schafft er as Softwareingenieur bi dr Erwin Junker Maschinenfabrik GmbH. Dernäbe het er si as Internet Coach sälbschtständig gmacht un duet do chlaini Firme bi irem Internetufdritt berote.

Anne 2015 het dr Billharz bim Dialäktwettbewärb Lohrer Murre mit syre alemannische Gschicht „Jetz hem mer s’Mallör“[1] dr zweet Bryys in dr Kategory Prosa gwunne.[2]

Är spiilt Waldhorn in dr Stadtkapelle Hornberg un isch bis 2018 12 Johr lang Vorsitzer vum „Freundeskreis Stadtkapelle Hornberg e. V.“ gsii.[3]

Dr Billharz isch ghyrote un läbt mit syre Frau z Guede.

Fueßnote

  1. ↑ Jetz hem mer s’Mallör uf billharz.eu
  2. ↑ Babette Staiger: Wenn die Murre dichterische Inspiration adelt, Badische Zeitung, 3. Novämber 2015
  3. ↑ Christine Störr: Förderung der Musiker geht weiter , Schwärzwälder Bote, 22. Jänner 2018
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.