Dr Sir Henry Yule (* 1. Mai 1820 z Inveresk, Grafschaft Edinburgh, Schottland; † 30. Dezämber 1880) isch e schottische Orientalist gsi.
Lääbe
Dr Henrz Zule isch z Inveresk bi Edinburgh in Schottland, uf d Wält choo. Er isch dr Soon vom Major William Yule (1764-1839), wo s Apothegm of Ali übersetzt het. 1840 isch er as Ääscheniööroffizier uf Bengale cho. Er het im Erste und im Zwäite Sikh-Chrieg Dienst gläistet, und het 1858 si Narrative of the Mission to the Court of Ava gschriibe.
1862 isch er in d Pangsioon und het sich mit dr middelalterlige Gschicht und Geografii vo Zentralasie afo abgee. Er het Cathay and the Way Thither (1866) uusegee, s Book of Marco Polo, won er drfür d Goldmedallie vo dr Royal Geographical Society überchoo het. Zämme mit em Dr. Arthur C. Burnell het er s Wörk Hobson-Jobson: A Glossary of Colloquial Anglo-Indian Words and Phrases, and of Kindred Terms, Etymological, Historical, Geographical and Discursive verfasst (1886), e Wörterbuech vo anglo-indische umgangssproochlige Fraase.
Er isch Bresidänt vo dr Hakluyt Society gsi und het für sä d Mirabilia descripta vom Jordanus (1863) uusegee und The Diary of William Hedges (1887-89). Vo 1875 bis 1889 isch dr Yule Mitgliid vom Council of India (Indische Root) gsi.
Wärk
- The book of Ser Marco Polo etc. (1871; 3. A. 1903)
- Henry Yule (Colonel) & Henri Cordier: Cathay and the Way Thither; Being a Collection of Medieval Notices of China. New Edition, Revised Throughout in the Light of Recent Discoveries. Second edition. Hakluyt Society. Second Series. Vols. XXXVIII, XXXIII, XXXVII and XLI. London: The Hakluyt Society, 4 volumes, 1913-1916.
- Volume I: xxiii, (1) , 318, (2) , xxxvi pages + frontis + 2 folding maps.
- Volume II: xii, (2) 367 pages + frontis + 5 in-text illustrations + 3 maps on one folding sheet in pocket at end.
- Volume III: xv, (1) , 359 pages + 3 in-text illustrations.
- Volume IV: xii, (2) , 269 pages + folding map in pocket at end of Volume IV.
Weblingg
- The Travels of Marco Polo (Henry Yule)
- Henry Yule bei Thoemmes Continuum
- Digitale Versionen des Cathay and the way thither von Sir Henry Yule sind erhältlich imToyo Bunko Rare Books Archive des Digital Silk Roads Project
- Meyers Konversationslexikon (Yule)
 |
Dä Artikel basiert uff ere fräie Übersetzig vum Artikel „Henry_Yule“ vu de dütsche Wikipedia. E Liste vu de Autore un Versione isch do z finde. |