È Hauptsignaal (Hp) isch è Ysebaasignaal. Es zeigt aa, ob dè aaschlièßende Gleisabschnitt befaarè wörrè darf. Gleisabschnitt i sellem Sinn sin Zugfolgeabschnitt. I dennè darf sich jewyls nu ein Zuug befindè. Hauptsignaal a Streggè mit Streggèblock könnet nu i d Faartschtellig brocht wörrè, wenn dè aaschlièßende Zugfolgeabschnitt frei isch. È Hauptsignaal wörd i dè Regel durch è Vorsignal aakündigt.

Hauptsignaal wörred je nõch irer Funktion vowendet als:

Yfaarsignaal

S Yfaarsignaal stôt vor èm Baanhof a dè Gränz zwischè sellem un dè freiè Streggi un zeigt aa, ob èn Zuug uss èm Zuugfolgeabschnitt in è Baanhofsgleis yfaarè darf.

Uusfaarsignaal

S Uusfaarsignaal stôt am Ènd vom Baanhofsgleis un zeigt aa, ob èn Zuug us èm Bahnhofsgleis i dè nõchfolgendè Blockabschnitt uusfaarè darf.

Zwischèsignaal

S Zwischèsignaal stôt i uusdeentè Baanhofsberych zwischè Y- un Uusfaarsignal un zeigt aa, ob dè nõchfolgende Gleisabschnitt vom Baanhof befaarè wörrè darf. I dè Schwiz luutet dõher d korrèkti Bezeichnig "Gleisabschnittsignaal"

Bloggsignaal

S Bloggsignaal stôt am Gleis vo dè freiè Streggi und zeigt aa, ob dè nõchfolgendi Bloggabschnitt befaarè wörrè darf.

Deckigssignaal

S Deckigssignaal sicheret è Gfaarèschtell, z. B. è beweglichi Brugg.

D Unterscheidig isch (bsunders für dè Lokfüürer) nit aahand èm Signaalbild möglich, sondern ergit sich uss èm Standort in Vobindig mit Streggèkenntnis odder dè Aagaabè im Buèchfaarblaan.

Quällè

• Signalbuèch vo dè Dütschè Baan
• Signalbuèch vo dè ÖBB (PDF-Dokument; 0,7 MB, zip-komprimiert)
• Signalbuèch vo dè SBB (PDF-Dokument; 3,0 MB, zip-komprimiert)
• Hans Pottgießer: Hauptsignaal geschtern un hütt. Vom optischè Telegraph zum modernè Lichtdagessignaal. Dumjahn Verlag, Mainz 1980. ISBN 3-921426-17-0

Einzelnõchwys

Dä Artikel basiert uff ere fräie Übersetzig vu dere Version vum Artikel „Hauptsignal“ vu de dütsche Wikipedia. E Liste vu de Autore un Versione isch do z finde.