Hardturm (Stadion)

Hardturm
	s Hardturm-Stadion (2006)
Daate
Ort	Hardturmstrasse 404; 8005 Züri, Schwiiz
Koordinaten	680498 / 249677
Eröffnig	1929
Abriss	4. Dezember 2008 (Aafang)
Oberflechi	Naturrase
Kapazidäät	17'666 Plätz
Veräin
	Grasshopper Club Züri;
Veraastaltige
	Fuessball-Wältmaischterschaft 1954; Fäldhandball-Wältmaischterschaft vo de Manne 1952; Spiil vom FC Züri (2006–2007);

Dr Hardturm isch e Tschuttplatz vo dr Stadt Züri gsy.

Er isch es Stadion gsy, wo ane 1929 für meh weder 27tuusig Lüüt bout worden isch. Uf däm Platz het me d Spiili vo de Grasshopper chönne goge luege.

Dört isch e Täil vo dr Tschutt-Wältmäischterschaft ane 1954 und d Fäldhandball-Wältmäisterschaft ane 1952 gsy.

Dr Name vom Platz chunt vom alte Hardturm, em Feschtigsbou a dr Limet us em Mittelalter. S alte Wort «Hard» isch dr Fluername für es ehemoligs Waldpiet; me cha vil do drzue lääse bim Schwyzerischen Idiotikon im Artikel «Hard».^[1]

Ane 2008 het me s Stadion abgrisse; iires letschte Spiili in iirem Häimstadion hän d Grasshopper am 1. Septämber 2007 gäge Xamax verloore. D Stadion Zürich AG het dozmol es Projäkt für s nöie Stadion gmacht, wo aber nit dure choo isch. Und jetz isch dr Platz läär, wil me nit weiss, wie me s plaanete nöie Stadion uf em Hardturm-Platz cha realisiere. Und jetzt, meh weder zää Joor spööter, isch en Plaan vo dr HRS Investment AG, dr Alaegestiftig vo dr Credit Suisse und vo dr Algmäine Bouggnosseschaft Züri für nes Stadion underwägs.

Weblink

Commons: Hardturm – Sammlig vo Multimediadateie

«Stadionbrache» – e Website über das wo i dr Zwüschezyt uf em Areal bassiert

Fuessnoote

↑ Lueg im Artikel Hard bim Schwyzerischen Idiotikon.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Lueg im Artikel Hard bim Schwyzerischen Idiotikon.

[1]