| Hallau | |
|---|---|
 Wappe vo Hallau | |
| Basisdate | |
| Staat: | Schwiiz |
| Kanton: | Schaffuuse (SH) |
| Bezirk: | Underchlettgi |
| BFS-Nr.: | 2971 |
| Poschtleitzahl: | 8215 |
| Koordinate: | 675940 / 281901 |
| Höchi: | 421 m ü. M. |
| Flächi: | 15,32 km² |
| Iiwohner: | 2335 (31. Dezämber 2022)[1] |
| Website: | www.hallau.ch |
 im Zentrum vo Halau im Zentrum vo Halau | |
| Charte | |
 Charte vo Hallau | |
Halau (amtlich Hallau, bis 1934 Unterhallau) ischt è Iiwònergmaand im Bezirk Underchläggi im Kantòn Schafuuse, Schwiiz.
Geografii
Halau ischt è Räbbaudorf am Südfuess vòm Halauerbärg, wo am rächte Rand vom Chläggidalbodde liit. Halau liit öppe uf de Mitti zwüsched de Beringer Ängi (11 km Luftlinie), Obberlauchringe (12 km Luftlinnie) ònd dermit i de Mitti vòm gsamte Chläggi. Nordweschtlich vò Halau bildet dè Halauer Bärg (höchschte Punkt: 590 m) di rächt Flangge vòm Chläggauertal ònd gliichzitig di lingg Flangge vòm Mittlere Wuetedal. A sälbere Wuetehaalde liit uf emene Plateau de Wiiler Huuse (Richting Äbberfinge), uf de Höchi zwüsched Halau ònd Huuse liit de Halauer Bärghof. E wängili südlich vòm Halauer Bärghof fòht de Bachtobel aa, wo uff Wònderchlinge abe gòht (Richting Egginge). Wònderchlinge ischt èn Wiiler, wo sit 1457 zòm Halauer Bann ghört. D Gmaandsflächi òmfasst 50,5 % landwirtschaftlichi Flächi, 40,3 % Waald, 8,7 % Sidlingsflächi ònd 0,5 % suschtigi Flächi.[2]
Gschicht
Halau ischt zòm eerschte Mòl im Johr 1095 als Hallaugia superiori et inferiori (1273 Hallowe) erwähnt wòrde.
Bevölkering
| Johr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 2607 | 2337 | 2399 | 2273 | 2201 | 1870 | 1764 | 1955 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 1972 | 1933 | 1959 | 1966 | 1836 | 1776 | 1951 | 2008 |
De Ussländeraataal isch 2010 bi 14,6 % gläge.[2]
Religion
67,9 % vò de Iiwòner sind evangelisch-reformiert, 14,3 % sind römisch-katholisch (Stand 2000).[2]
Politik
Bi de Nationalròòtswaale 2011 häts folgends Èrgebnis gee: CVP 3,8 %, FDP 7,3 %, SP 29,8 %, SVP 50,6 %, Suschtigi 8,4 %.
Gmaandspräsident isch de Werner Pfistner (Stand 2012).
Wirtschaft
D Arbetslosigkäit ischt im Johr 2011 bi 1,5 % gläge.[2]
Sproch und Dialekt
Bi de Volkszelling 2000 hand vò de 2008 Iiwòner 91,9 % Dütsch als Hauptspròòch aagee, 0,4 % Französisch und 1,7 % Italienisch.[2]
De hochalemannisch Dialekt vò Halau ghört zu de Nordoschtschwizer Dialekt.
Voraastaltinge
S GrüschFang Openair findet sit 2009 all Jòhr aafangs Juni uf de Kulturwise "Waatelen" statt. Es isch d Nochfolgeveraastalting vòm «Klang am Hang»-Open-Air.
Bilder
d Dorfchilche St. Moritz
di kath. Brueder-Chlaus-Chilche
Literatur
- Robert Pfaff: Hallau. In: Historisches Lexikon vo dr Schwiiz.
- Kurt Bächtold: Hallau. Weinbaudorf im Klettgau, in: Schaffhauser Magazin 26 (2003), No. 1, S. 5–49.
- Adrian Bringolf: Die frühgeschichtlichen Funde der Gemeinde Hallau, 2. Auflage, Hallau 2012, ISBN 978-3-9523924-1-6.
- Hermann Wanner: Geschichte von Hallau. Aufzeichnung der einzigartigen Geschichte des Dorfes im Verlauf der Jahrhunderte, Hallau 1991.
Weblink
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- 1 2 3 4 5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012