Dä Artikel befasst sich mit de Burg Habsburg, für witeri Bedütige lueg Habsburg (Begriffsklärung).
d Habsburg hüt
d Habsburg im 16. Johrhundert
d Fundament vom öschtliche Teil, im Hintergrund de weschtlichi Teil vo de Habsburg

D Habsburg isch e Burg im Kanton Aargau. Si isch d Stammburg vom Gschlächt vo de Habsburger, und si lyt uf em Wülpelsbärg näb em Dorf Habsburg.

Gschicht

Dr Name vo dr Burg wird als Habichts-Burg erklärt.[1]

D Ursprüng vo dr Burgalaag liget im 11. Johrhundert. D Burg isch denn immer wider usbout worde un het im 13. Johrhundert ihri gröschti Usdehnig gha. Vom öschtlichi Teil vo de Burg sin hüt numme no Ruine do, de weschtlich Teil isch so erhalte blibe, wi er im Johr 1866 usgseh het.

D Burg stoot, als Bauwerk mit nationaler Bedütig, unter eidgnössischem Schutz un ghört sit em Johr 2009 zum Museum Aargau.

D Lag vo de Burg

D Habsburg ligt öppe 35 Meter höcher als s Dorf Habsbrg u öppe 3 Kilometer südweschtlich vom Bezirkshauptort Brugg. Di ursprünglichi Burg isch e chli meh wi 100 Meter lang gsi un isch uf em Gipfelgrat vom Wülpelsbärg bauet worde, wo zum Faltejura ghört. Uf de Nordweschtsite gohts Gländ steil bis zum Taal vo de Aare abbe.

 Commons: Habsburg – Sammlig vo Multimediadateie

Fuessnoote

  1. ↑ K. Schlemmer: Geographische Namen. Barsinghausen 2012, S. 35.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.