Dr Gustave Doré

Dr Paul Gustave Doré (* 6. Januar 1832 z Stroossburg; † 23. Januar 1883 z Baris) isch e franzöösischer Mooler und Grafiker gsii, wo sich vor allem as Illustrator e Naame gmacht het.

Biographii

Im Doré si Begaabig as Zäichner isch scho ufgfalle, won er no Schüeler gsii isch. Er het au won er erst sibni gsi isch aagfange meerer Instrumänt afo spiile. Uf dr Giige isch er virtuoos worde. Mit nüüni het er zum erste Mol en Illustrazioon vom Dante Alighieri siiner Göttlige Komödie gmacht. Mit drizääni isch er uf Baris gange und het zwäi Joor druf 1847 as Illustrator bim Journal pour rire gschafft. Im gliiche Joor isch au siini ersti Arbet, Die Abenteuer des Herkules, im Pariser Verlag Aubert veröffentligt worde.

1853 het er Illustrazioone für d Wärk vom Lord Byron gmacht, spööter Bilder für en änglischi Bible, und 1863 370 Illustrazioone für die franzöösischi Usgoob vom Miguel de Cervantes sim Don Quijote.

D Bibelillustrazioone häi dr Doré z Ängland bekannt gmacht und er het dr Ufdraag überchoo e Bordret vo London z zäichne. 1872 isch s Buech London: A Pilgrimage erschiine mit 180 Stich. S Buech isch drfüür kritisiert worde, ass si Fokus uf d Armekwardier grichdet sig.

Dt Gustave Doré isch am 23. Januar 1883 z Baris am ene Herzinfarkt gstorbe.

Uswaal vo Wärk

Dr Doré isch 1854 mit seinen Holzstich im François Rabelais sim Gargantua und Pantagruel und 1855 im Honoré de Balzac siine Tolldreiste Geschichten bekannt worde. Er het denn no öbbe 90 Wärk vo dr Wältlitratur illustriert, drunder:

Iifluss

Im Doré siini Biibelillustrazioone ghöören immer no zu de bekanntiste überhaupt, er gältet as äine vo de grösste Mäister vo däm Schaner. Siini 230 Bibelgrafike si under anderem vo de berüemte Graphiker Pisan, Pannemaker und Laplante gstoche worde.

Dr Doré het bizarri Bilder vo Faabelwääse, Monster, Skelett und ghäimnisvolle Sagegstalte gmacht. Drbii si d Stich handwärklig hervorragend usgfüert, d Diefewirkig und d Darstellig vom Liecht si mäisterhaft. Si Wärk het dr Surrealist Salvador Dalí entschäidend beiiflusst, un dä het si druckgrafischs Wärk au an de groosse Theme vo dr Wältlitratur orientiert. Stark beeiidruckt vom Doré sim Wärk isch dr Walter Moers gsi, wo 2001 si Roman Wilde Reise durch die Nacht um 21 Bilder vom Doré ume konstruiert het. Noch dr Künstlere Valentine Hugo het dr Max Ernst für sini Kollascheserii Une semaine de bonté – Eine Woche der Güte (1933) näbe zitgenössische Illustrazioone au Grafike vom Doré brucht. Sini Illustrazioone für em Samuel Taylor Coleridges The Rime of the Ancient Mariner het dr Doré sälber as sini beste bezäichnet.

Gallerii

• 
  Dr Dante verloore im Wald (Canto I vo dr Göttlige Komödie, Inferno)
• 
  D Francesca und dr Paolo da Rimini, Canto V vo dr Göttlige Komödie, Inferno
• 
  Dr Dante dr und Vergil im nüünte Kräis vo dr Höll, Canto 32 vo dr Göttlige Komödie, Inferno
• 
  Göttliche Komödie, Purgatorio
• 
  Sturz vo Satan, Illustration zu Milton: Paradise Lost
• 
  D Andromeda am Felse
• 
  E Hundeläbe, 1872
• 
  Dr Styx
• 
  Karikatur vom Münchhausen
• 
  Sproochverwirrig, 1865
• 
  Dr Paulus z Ephesus, um 1866
• 
  Dr Chinderkrüzzug

Litratur

• Nigel Gosling: G. Doré, engl. 1973 und Rembrandt Verlag, Berlin 1975, ISBN 3-7925-0223-2
• Walter Moers: Wilde Reise durch die Nacht. mit Illustrationen Dorés, einer tabellarischen Biographie und einem Verzeichnis der wichtigsten Werke.
• H. Guratzsch / G. Unverfehrt (Hrsg.): Gustave Doré. – Die bibliophilen Taschenbücher (2 Bände). Harenberg, Göttingen 1982, ISBN 3-88379-348-5.
• Gustave Doré. Berlin: Eulenspiegel-Verlag, ²1990, ISBN 3-359-00253-9
• Friedrich Wilhelm Bautz: Gustave Doré. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1360–1361.

Weblingg

 Commons: Gustave Doré – Sammlig vo Multimediadateie

• Wärch vo Gustave Doré bi Zeno.org
• Art Passions Doré Gallery
• D Bilder vom Gustave Doré im Gustave Aimard siiner "Freikugel"
• Carol Gerten Fine Art: Bildergalerii
• Don Quijote. 120 Illustratione PDF in der Arno-Schmidt-Referänzbibliothek vo dr GASL (23,84 MB)
• Bildersammlig und Beschriibig – Gustav Doré uf SurLaLuneFairyTales.com

Dä Artikel basiert uff ere fräie Übersetzig vum Artikel „Gustave_Doré“ vu de dütsche Wikipedia. E Liste vu de Autore un Versione isch do z finde.