Meersalaat (Ulva lactuca)

D Grüenalge oder Chlorobionta si e Grubbe vo Alge, wo früener in dr Süstemaatik as äiges Taxon gfüert worde si. Fülogeneetisch handlet es sich aber um e parafüleetischi Grubbe, wil si nit alli Noochkomme vom ene letzte gmäinsaame Vorfaar si. So wärde die „hööchere“ Pflanze (Embryophyta) nit zu de Grüenalge zelt, au wenn si sich us deene entwigglet häi. As Grüenalge bezäichnet mä doorum alli Verdräter vo de Chloroplastida mit Usnaam vo de Embryophyta.

Vorkomme

Bis 2014 si öbbe 4000 Grüenalgen-Arte beschriibe worde, vo deene lääbe öbbe 90 % im Süesswasser. Under de mariine Verdräter stellt d Gattig Micromonas die hüfigste fotosünthetische Öikaryote im Meer. Usserdäm git s au e Hufe Grüenalge, wo nid im Wasser lääbe, sondern vor allem uf füechtem Boode und uf Böim. Mänggi lääbe sümbiotisch as Bestanddäil vo Flächte oder as Zoochlorelle in Süesswasserpolype oder andere wirbellose Dier.[1]

Kwelle

Dr Ardikel «Grünalge» uf dr dütsche Wikipedia

Weblingg

 Commons: Grünalge – Sammlig vo Multimediadateie

Fuessnoote

  1. ↑ Joachim W. Kadereit, Christian Körner, Benedikt Kost, Uwe Sonnewald: Strasburger Lehrbuch der Pflanzenwissenschaften. Springer Spektrum, Berlin/Heidelberg 2014, S. 591.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.