| Güfersch | |
|---|---|
 Wappe vo Güfersch | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Sense |
| BFS-Nr.: | 2294 |
| Poschtleitzahl: | 1735 |
| Koordinate: | 582555 / 178938 |
| Höchi: | 767 m ü. M. |
| Flächi: | 5.22 km² |
| Iiwohner: | 1710 (31. Dezämber 2022)[1] |
| Website: | www.giffers.ch |
 Dorfzentrum von Giffers Dorfzentrum von Giffers | |
| Charte | |
 Charte vo Güfersch | |
Güfersch (Ussprooch: 
[ˈg̊ʏv̥əʁʃ]; hochdütsch: Giffers, französisch: Chevrilles, Patois ) isch e Gmiin im Oberland vum Sensebezirk im Kanton Fryburg. Güfersch het 1389 Ywohner (Stand vo 2008) ù isch eppa 6 km va de Stadt Fryburg awäg.
Geografi
Güfersch ligt ùf 767 m ü. M. a de Ärgera. Va de Gmiinflechi si 65,9 % landwirtschaftlichi Flechi, 19,7 % Waud, 11,9 % Sidligsflechi ù 2,5 % schüschtigi Flechi.[2] Nachpuurgmiine va Güfersch si Tentlinge, Santifaschtùs, Plassäub, Plaffeien ù Rächthaute.
Gschicht
De Name vam Ort isch z erschte Mau im Jahr 1150 ùs Chiuriles belììt, un chunt vum Romanische Wort Caprilia, wo „Gììssstau“ bedütet. 1301 isch de Name Guifrils belììt, un 1577 schliesslich Giffers. Sit 1630 isch Güfersch a igeti Pfarrei gsi, wo zum Burgpanner vo de Alte Landschaft vo de Stadt Fryburg kört het.
Religion
Güfersch isch a traditionell katholischi Gmiin. Zäme mit Tentlinge isch es a igeti Pfarrei, d Pfarrchüucha isch z Güfersch. Di Reformiirte, wo sit de Mitti vom 19. Jahrhundert bsunders vo Bärn zuegwanderet si, si Mitglider vo de reformiirte Chüuchegmiin Wissestì/Rächthaute.
Yywoner
Quela: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 470 | 579 | 659 | 705 | 749 | 683 | 661 | 650 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 690 | 768 | 770 | 812 | 1084 | 1185 | 1363 | 1393 |
De Uusländeraatüu isch 2010 bi 5,1 % gläge.[2]
Religion
83,3 % va de Yywoner si im Jaar 2000 römisch-katholisch gsii, 9,5 % evangelisch-reformiert.[2]
Wirtschaft
Güfersch isch früüer vo de Landwirtschaft prägt gsi. Allerdings tüe hüt di meischte Lüt zum schaffe ì d Stadt ù Agglomeration Fryburg pendle. Einersits hii sich z Güfersch Arbìtsplätz vor Ort erhaute, ù so isch de Ort nit numme a Pendlergmiin. Im 1. Sektor schaffe 28%, im 2. Sektor 25% ù im tertiäre Sektor 47% vo de Ywohner.
Kultur
Bim Vereinswäse ù de Kultur büude Güfersch ù d Nachpùùrgmiin Tentlinge a Ihìt; d Verìne si ì beide Gmiine aktiv.
Dialäkt
Bi de Vouchszelig 2000 hii va de 1393 Yywoner 92 % Tüütsch aus Hùùptspraach aaggää, 6,8 % Franzöösisch ù 1,2 % anderi Spraache.[2] D Mundart vo Güfersch kört zum Seislerdütsche, wo zum Höjstalemannische zeut chunt. Güfersch isch a Uffnaameort im Spraachatlas vo de dütschi Schwiiz gsi.
Weblink
- www.giffers.ch
- Jean-François Steiert: Giffers In: Historisches Lexikon vo dr Schwiiz.
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- 1 2 3 4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )