| Gämfersee | |
|---|---|
 Gämfersee by Epesses | |
| Date | |
| Name: | Gämfersee Lac Léman |
| Lag: | Romandii, Savoye |
| Flächi | 582 km², devoo ghöre - 348 km² (60 %) zur CH - 234 km² (40 %) zu F |
| maximali Tiefi: | 310 m |
| Zueflüss: | Rhône, Venoge, Dranse |
| Abflüss: | Rhône ins Mittelmeer |
| Höchi über Meer: | 372 m |
| Grösseri Stedt am Ufer: | Lausanne, Montreux Vevey, Thonon |
| Besungerheite: | dr gröscht See vor Schwyz, dr zwöitgröscht See vu Mittueuropa |
| Charte | |
 Gämfersee | |
Dr Gämfersee (fr: Lac Léman ou: Lac de Genève, en: Lake Geneva oder Lake of Geneva) isch dr gröschti Schwyzer See u ligt im Südweschte vor Schwyz a dr Gränze zu Frankrych. Är isch nach em Plattesee z Ungarn dr zwöitgröschti See vo Mittueuropa. Dr Gämfersee ligt 372 m ü. M., isch 582 km² gross u ar tiefschte Steu 310 m tief. Sy durchschnittlech Wasserihaut ligt by öppe 89 km³.
Agränzendi Schwyzer Kantön sy Gämf (Genève), d Waadt (Vaud) u ds Wallis (Valais). Sys Südufer ghört zu Frankrych und isch im Département Haute-Savoie.
Grad zwöi Schwyzer Grossstedt lige am Ufer vom Gämfersee: Am Südwestspitz ligt d Kantonshouptstadt Gämf, am Nordufer Lausanne, d Houptstadt vom Kanton Waadt. Wyteri internationau bekannti Städt sy Montreux u Vevey, wo am nordöschtleche Seeufer lige. Di gröschti französischi Stadt am Lac Léman isch Thonon-les-Bains, di bekannteschti isch Evian.
D Bezeichnig «Léman» chunt vom früechere latynische Name vor Landschaft: Lemanus oder ou Lemannus, dr Kanton Waadt het afangs vom 19. Jahrhundert zur Ziit vo dr Helvetische Republik äbefaus Léman gheisse.
Lueg au
Literatur
- Jean-François Bergier: Genfersee. In: Historisches Lexikon vo dr Schwiiz.