GNOME
Bildschirmfoto von GNOME 3.10
Bildschirmfoti vo Gnome 3.10
Basisdate
Entwickler Das GNOME-Projekt
Erschynigsjohr 1997[1]
Aktuelle Version 46.0[2][3]
(20. März 2024)
Betribssystem Unix-ähnlich (GNOME >=3.0 bisher nur GNU Linux Systeme)
Programmier­sproch C, C++, C#, HTML, JavaScript, Vala, Perl, Python
Kategorii Arbeitsumgebung
Lizänz GPL, LGPL (Freie Software)
Dütschsprochig ja
Alemannisch -
www.gnome.org
Ubuntu

GNOME isch e Desktop-Umgebig für Unix- und unixoidi System, wo unter de freie Linzenze GPL und LGPL veröffentlicht sind. GNOME isch en Teil vum GNU-Projekt und gilt als eini vu de am meischte verbreitischte Desktop-Umgebige jensits vu Windows un Mac. GNOME isch sitm 14. März 2007 unter dr 2.18 Version dusse.

Ursprung

Z'Projekt GNOME isch 1997 vu Miguel de Icaza und Federico Mena gstarte worde und isch konzipiert als e Antwort uf KDE xi. KDE isch am Afang unter de ned-frye Software-Lizenz vu Qt vertribe worde. Will dr zu dere Zyt das Unternehme Trolltech (dr Hersteller vu Qt) Lizenzierig ned hett welle ändere, hend d'Mitglieder vu GNU zwei nüi Projekt is Lebe gruefe: Harmony sött en Ersatz für'd Programm-Biblotheke vu Qt produziere und GNOME sött e Desktop-Umgebig sii, wo im Gegesatz zu KDE us freier Software bestaht.

Druffhi hett Trolltech im November 1998 bekannt geh, d'Lizenzierig vu de Qt-Bibliotheke uf QPL z'ändere, d'Kompatibilität vu QPL zu GPL hett jedoch e Debatte bis September 2000 kah. Wo denn dr Druck uf Trolltech vu dusse gstige isch, hett Trolltech d'Linux-Versione vu de Qt-Bibliotheke au unter GNU GPL gändert. Die Änderig hett ned für d'Windows-Variante gulte, wo ersch sit Juni 2005 ebefalls unter nem' dual Lizenzsystem verfügbar sind.

GNOME-Ahwendige

GNOME-Desktop mit Epiphany, Nautilus und „Datei öffnen“-Dialog
  • Epiphany - dr Standard-Webbrowser sit dr Version 2.4 (mit Mozilla-Gecko-Engine wie dr Mozilla Firefox)
  • Evolution - en eMail un Kalenderprogramm (Personal Information Manager) analog em Microsoft Outlook.
  • Pidgin (bis April 2007 Gaim gnennt) - en Instant-Messenger
  • Gnome Office - es Office-Set us Abiword, Gnumeric
  • Inkskape, Metacity, Nautilus, Planner, Synaptic (bi Debian)
  • Gimp, es frei Graphik-Programm. Gnome-Ahwendige benutze es Gimp Toolkit (Gtk) statt QT.
 Commons: GNOME – Sammlig vo Multimediadateie

Fuessnoote

  1. ↑ The GNOME Desktop project.
  2. ↑ GNOME 46 Released With Improved Search, Experimental VRR & More Polish. 20. März 2024 (änglischi, sprooch, abgerufen am 20. März 2024).
  3. ↑ GNOME 46 released. 20. März 2024 (änglischi, sprooch, abgerufen am 21. März 2024).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.