Dialäkt: Undermarkgreflerisch
Franz Untersteller 2015

Dr Franz Untersteller (* 4. April 1957 z Ensheim bi Saarbrücken) isch e dytsche Bolitiker Bindnis 90/Di Griene un syt Mai 2011 Minischter fir Umwält, Klima un Energiwirtschaft vum Land Bade-Wirttebärg.

Läbe un Beruef

Franz Untersteller 2011

Dr Untersteller isch z Ensheim/Saar im Saarland ufgwagse un dert uf d Volksschuel gange, speter uf d Realschuel z St. Ingbert. Anne 1977 het er am Stedtische Wirtschaftsgymnasium z Saarbrücken Abitur gmacht. Im Johr 1978 het er e Landschaftsblanigsstudium an dr FH Nirtenge aagfange un 1981 dr Abschluss as Dipl.-Ing. (FH) gmacht. Ab 1981 het er z Fryybeg am Öko-Institut gschafft, zerscht as Praktikant, speter as wisseschaftlige Mitarbaiter. Im Johr 1982 isch er as Stipendiat vu dr Carl-Duisberg-Gesellschaft z Kolumbie gsii, wun er an eme Brojäkt vum kolumbianische Umwältminischterium mitgschafft het. Syt 1983 het er as Barlemäntarische Beroter fir d Beraich Umwält- un Energibolitik fir d Landtagsfraktion vu dr Griene gschafft, syt 2002 au as Beroter fir d Agrarbolitik. Vu 2002 bis Mai 2011 isch er Vorstandsmitglid vum Öko-Institut gsii.

Dr Franz Untersteller isch ghyrote un het zwai Chinder.

Bolitik

Syter anne 1983 isch dr Untersteller Mitglid vu dr Griene, vu 1998 bis 2000 isch er Mitglid im Chraisvorstand vum griene Chraisverband Esslenge gsii.

Im Merz 2006 isch er im Wahlchriais Bietge-Bissenge in dr Landdag vu Bade-Wirttebärg gwehlt wore. Vu Dezämber 2006 bis Mai 2011 isch er stellverdrättende Vorsitzende vu dr Landdagsfraktion gsii. Fir d Fraktion heter au as energibolitische Sprächer fungiert.

Dr Untersteller isch bi dr Landdagswahl am 27. März 2011 im Wahlchrais Stuegert III mit 28,04 Brozänt vu dr Stimme gwehlt wore[1]

Am 12. Mai 2011 isch dr Franz Untersteller as Mitglid im Kabinett Kretschmann I as neje Minischter fir Umwält, Klima un Energiwirtschaft vu Bade-Wirttebärg veraidigt wore.

Mitglidschafte

  • Mitglid im Vorstand vum Öko-Institut e. V. (2002 bis 2011)
  • Mitglid im Byyrot vum Holzenergie Fachverband Baden-Württemberg e. V.
  • Mitglid im Vorstand vum Vereins der Freunde und Förderer der Wilhelma e. V.
  • Mitglid bi Plan International e. V.
  • Mitglid im TTF Tischtennisfreunde Neckarhausen e. V.
  • Mitglid im Dytsche Skiverband e. V. (DSV).

Fueßnote

  1. ↑ www.statistik-bw.de Archivlink (Memento vom 3. Juli 2011 im Internet Archive)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.