Feusisberg
Wappe vo Feusisberg
Wappe vo Feusisberg
Basisdate
Staat:Schwiiz
Kanton:Schwyz (SZ)
Bezirk:Höfe
BFS-Nr.:1321i1f3f4
Poschtleitzahl:8834 Schindellegi
8835 Feusiberg
8836 Biberbrugg
UN/LOCODE:CH FSG (Feusisberg)
CH SGI (Schindellegi)
Koordinate:699196 / 227079
Höchi:685 m ü. M.
Flächi:17.56 km²
Iiwohner:5468 (31. Dezämber 2022)[1]
Website:www.feusisberg.ch
Föüsisbèèrg
Föüsisbèèrg

Föüsisbèèrg

Charte
Charte vo Feusisberg
Charte vo Feusisberg
w
Dialäkt: Züridütsch (See)

Föüsisbèèrg (amtlich Feusisberg) isch e politischi Gmeind im Bezirk Hööf vum Kanton Schwyz i de Schwyz. Zu Feusisberg ghöred au d Ort Schindellegi und Biberbrugg.

Wappe

Di beide Rabe im Wappe erinnered a d Einsidler Saag vom Meinrad vo Einsidle (Mönch, † 861). Di wiisse Jakobsmuschle symbolisiered de hailig Jakob d. Ä., de Chilepatron vo Föüsisbèèrg.

Geographii

D Gmeind Föüsisbèèrg befindet sich uf ere Höheterrasse am Etzel. Am Iischnitt wo d Sihl sich zwüsched Etzel und Höhrone gschaffe hät liit dr Ort Schindellegi. Es Drittel vo dr Gmeindflächi isch bewaldet.

Iiwoner

Quälle: Bundesamt für Statistik 2005[2]

Jaar18501860187018801888190019101920
Iiwoner9911050112112411348127613481534
Jaar19301941195019601970198019902000
Iiwoner15731627165417612173282931573779

Dr gröschti Teil vo dr Bevölkerig wohnt in Schindellegi. Dur di gueti Verchehrsverbindige uf Züri, Rapperschwiil und Schwyz lebed au viili Pendler i dr Gmeind Föüsisbèèrg. De Uusländeraateil isch 2010 bi 21,7 % gläge.[3]

Religion

62 % vu de Iiwoner sind im Jaar 2000 römisch-katholisch gsii, 20,7 % evangelisch-reformiert.[3]

Spraach u Tieläkt

Bi de Volchszellig 2000 hend vu de 3779 Iiwoner 91,1 % Tüütsch als Hauptspraach aaggää u 8,9 % anderi Spraache.[3]

De Tieläkt vu Föüsisbèèrg ghöört zum Höuchschtalemannisch.

Wirtschaft

Im Ort Schindellegi händ sich bereit im 19. Jahrhundert e Schpinnerei und anderi vo dr Wasserchraft vo dr Sihl abhängigi Firme aagsidlet. Entlang vom Flusslauf isch so es chliises Induschtriegebiet entschtande, wo sich hüt verschideni Gwerbbetriib iimieted. Us schtüürliche Gründe händ au Groossfirme de Hauptsitz uf Schindellegi verleit.

Gschicht

Di schtrategisch Laag vom Ort Schindellegi am nordöschtliche Zuegang zur Innerschwiiz und em Sattel hät sich vom Mittelalter bis is 20. Jahrhundert uf d Gschicht vo dr Gmeind uusgwürkt. Dr Ort liit uf em Jakobsweg und isch i dr Vergangeheit en Durchgangsort für d Pilger uf Santiago de Compostela gsii.

Dr Ort Schindellegi wird als Schindel-Lagerplatz 1220 erschtmals erwähnt. Im 13. Jahrhundert wird Feusisberg als "Uffenberge" erwähnt. Dr Name vom Ort (im 16. Jahrhundert "Fessiskilch" gschribe) leitet sich vom Gschlecht vo de «Feusi» ab.

Im alte Zürichrieg zwüsched 1439 und 1450 wird Schindellegi zweimal dur Truppe bsetzt. S gliiche passiert während de beide Kappelerchriege 1529-1531 dur d Schwyzer.

1620 reglet dr Schindellegi-Brief de Wareverchehr dur de Übergang uf Sattel.

Wiiter Bsetzige vo Schindellegi i de Villmergerchriege 1656-1712. Di französische Truppe verwüeschted Föüsisbèèrg und Schindellegi i de Jahre 1798-1799.

Us de Dörfer Föüsisbèèrg und Schindellegi wird 1848 d Gmeind Föüsisbèèrg ggründet. Mit em Bau vom Kurhuus Feusisgarte 1857-1858 und ere Baumwullschpinnerei i Schindellegi 1869 überchunnt d Wirtschaft en gwüsse Uufschwung, wo 1877 dur de Aaschluss vo Schindellegi a d Isebahnschtrecki Wädischwiil-Einsidle no verschtärcht wird.

Bim Bau vom Reduit werded vo 1939 bis 1945 schtarchi Befeschtigige im Gmeindsgebiet aagleit.

Föüsisbèèrg isch dr Uufenthaltsort vo dr Schwiizer Fuessball-Nationalmannschaft vor ere Europa- oder Weltmeischterschaft.

Bilder

 Commons: Feusisberg – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
  3. 1 2 3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012


Dä Artikel basiert uff ere fräie Übersetzig vum Artikel „Feusisberg“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.