D Schruubefäädere vom ene Chuugeleschriiber (Schruubedruckfäädere)

E Schruubezugfäädere

As Fäädere bezäichnet mä in dr Technik Baudäil vilmol us bsundrigem Staal, wo noochgääbe, wenn si belastet wärde, und wider die ursprüngligi Form überchömme, wenn si entlastet wärde, sich also elastisch verhalte.

D Fääderekonstante

E wichdigi Chrakteristik von ere Fäädere isch iiri Fääderekonstante. Sie verbindet d Chraft wo uf e Fäädere wirkt mit wie stark si usenanderzooge oder zämmegstuucht wird. Bin ere lineare Fäädere isch si bis zur Elastizidäätsgränze konstant. Noch em Gsetz vom Hooke isch d Fääderechraft ${\displaystyle F}$ von ere sonige Fäädere broporzional zur Uslänkig ${\displaystyle \Delta L}$. Em Broporzionalidäätsfaktor ${\displaystyle D}$ säit mä d Fääderekonstante. D Formle isch

${\displaystyle F=D\,\Delta L\,.}$

Bauforme

Es git as Maschineelimänt e hufe verschidnigi Bauforme: si chönne us Droot in dr Form vo Schruube oder Spirale gwigglet wärde oder d Form vom en graade oder chrumme Staab haa. Au en iigschlossnigs Gasbolster cha fäädere.

• 
  En Evolutfäädere vom ene Zangewärkzüüg
• 
  E Spiralfäädere in ere Uur
• 
  Blattfäädere am ene Lastwaage
• 
  Säggs Dällerfäädere
• 
  Membranfäädere in ere Autikupplig

Aawändig

Fäädere si hüfig Spiicher für potenzielli Energii (Düüreschliesser, Uurenaadriib, Ventilfäädere). Si chönne au Baudäil eso verbinde ass es e groosi Chraft brucht, zum sä drenne, zum Bischbil bi elastische Kupplige, Brämse und Ventil. Mit Fääderewooge cha mä Chreft mässe und mit Rutschkupplige Chreft begränze. Mit Hilf vo Fäädere wärde Maschinedäil bewegt oder Schaltkontakt uf- und zuedoo (Kontaktfäädere in Rölä). Do isch d Chraft für zum Zruggstelle in dr gspannte Fäädere ufbewaart.

Weblingg

 Commons: Feder – Sammlig vo Multimediadateie

• Verband der deutschen Federnindustrie, mit Bilder vo Fäädere
• Mechanical spring calculators, Berächne vo mechanische Fäädere (änglisch)