 | |
| Dr Fausto Coppi 1952 | |
| Personedate | |
|---|---|
| Spitzname | Il Campionissimo |
| Geburtsdatum | 15. September 1919 |
| Sterbedatum | 2. Januar 1960 |
| Nation |  Italie |
| Disziplin | Stross |
| Fahrertyp | Bärgfahrer, All-rounder |
| Doping | |
| 1942 | Het dr Stundewältrekord ufgstellt won er dopt gsi isch |
| Wichtigsti Erfolg | |
|
| |
_pictogram.svg.png.webp){kind=small}
Dr Fausto Coppi (* 15. September 1919 z Castellania; † 2. Januar 1960 z Tortona) isch en italiänische Velorennfahrer gsi. Er het zweimol d Tour de France und fümfmol dr Giro d’Italia gwunne und isch ein vo de berüehmtiste und populärste Rennfahrer in dr Gschicht vom Velorennsport. Si Übername isch “il Campionissimo” gsi. Er isch dr gross Rival vom Gino Bartali gsi, und die italiänische Fan vom Velorennfahre hai sich in es Lager vo de "Bartaliste", wo ehnder us em konservative Süde cho si, und vo de "Coppiste" us em progressivere Norde deilt.
Erfolg
Si erst gross Erfolg het er 1940 gha, won er dr Giro gwunne het. Denn isch er as Soldat 1943 z Nordafrika in Chriegsgfangeschaft groote. 1946 het er dr Giro zum zweite Mol gwunne und 1949 und 1952 het er s Double gfiirt, won er dr Giro und d Tour de France im gliiche Johr gwunne het. Im Johr druf isch er no einisch im Giro Erste worde. Im Coppi si Sterki isch s Bärgfahre gsi, won er vo 1946 bis 1954 im Giro s Klassemänt agfüehrt het oder Zweite worden isch. Im Sprinte isch er zwar nit eso stark gsi, aber er het doch nit wenigi wichdigi und schweri Eidagrenne gwunne: fümfmol d Lombardei-Rundfahrt, dreimol Mailand–Sanremo und einisch Paris–Roubaix. 1953 isch er Strossewältmeister worde.
Skandal
Zu siine Ziite isch zwar s Doping nonig illegal, aber arüchig isch s scho gsi. Bim Stundewältrekord vo 45,871 km, won er 1942 ufgstellt het, haig er sich mit Amphetamin dopt, wien er spöter sälber zuegee het. Au im persönlige Läbe het er für Skandal gsorgt, won er si Frau verloo het und mit ere verhürotet Frau, dr Giulia Occhini, zsämmegläbt het.
Litratur
- Walter Lemke: Fausto Coppi. 20 Jahre internationaler Radrennsport. Fuchs-Verlag, Miesbach 1999, ISBN 3000046879 (umfangreiche bebilderte Biographie)