| Dialäkt: Baseldütsch |
Dr Fasnachts-Brunne (au: Tinguely-Brunne bzw. Carnaval) isch e Brunne , wo dr Künstler Jean Tinguely gmacht het und wo uf em Theaterblatz in dr Schwizer Stadt Basel stoot. Er zelt zu de Baasler Kulturgüeter, wo vo nazionaler Bedütig sin.
Gschicht und Beschriibig
Dr Brunne isch zwüsche 1975 und 1977 am Blatz vo dr Büüni vom alte Stadttheater, wo 1975 abbroche worde isch, ufgstellt worde und isch e Gschänk vom 50-jöörige Migros an d Stadt Basel gsi.
Dr Brunne het zää maschinelli Skulpture im ene groosse Wasserbecki, wo zum Däil us Versatzstück, d. h. us beweeglige, versetzbare Däil vo dr ehemoolige Büüniusstattig vom Stadttheater konstruiert worde si, und zäigt Wasserschbiili, wo für e Jean Tinguely tüpisch si. Si wärde mit Schwachstrommotor bewegt und sprüeje Wasserfontääne in d Luft.
Die 10 Skulpture häisse eso: dr Theaterkopf, d Spinne, dr Waggler, d Fontääne, dr Spritzer, dr Suuser, dr Wäädel, dr Schuufler, s Seechter und dr Querpfyffer.
Kwelle
- Kunstfüerer: Von Böcklin bis Tinguely, Wiese Verlag, Basel 1993
Weblingg
 |
Dä Artikel basiert uff ere fräie Übersetzig vum Artikel „Fasnachts-Brunnen“ vu de dütsche Wikipedia. E Liste vu de Autore un Versione isch do z finde. |
Koordinate: 47° 33′ 13″ N, 7° 35′ 26″ O; CH1903: 611440 / 267009