| Dialäkt: Züridütsch (See) |
| Etzel | ||
|---|---|---|
 Blick uf en Etzel vo Kemprate us Blick uf en Etzel vo Kemprate us | ||
| Hechi | 1'098 m ü. M. | |
| Lag | Kanton Schwyz, Schwiiz | |
| Geografischi Lag | 700730 / 226055 | |
| ||
 Näbelmeer über dr Linthebeni, vom Etzel us gseh Näbelmeer über dr Linthebeni, vom Etzel us gseh | ||
Dr Etzel (1'098 m ü.M.) isch en Berg zwüsched em Zürisee und em Sihlsee im Kanton Schwyz i dr Schwiiz. Di oberschte 100 Höhemeter vom freischtehende Gipfel sind rundume bewaldet. Uf der Nordflanke, wo em Zürisee zuegwandt isch, mög dr Wald bis uf 800 m abe.
Underhalb vom Gipfel Richtig Oschte befindet sich d Passhöchi vom Etzelpass mit dr Kapelle St. Meinrad, benännt nach em Heilige Meinrad vo Einsidle.
Dr Etzel beschtimmt massgeblich de Verlauf vo dr Sihl, wil er verhinderwt, dass die us em Hochtal vo Einsidle direkt in Zürisee abflüüsst. Schtattdesse wird d Sihl nach Weschte glenkt, wo si am Höhrohne entlang uf Sihlbrugg is Sihltal flüüsst. D Topographie am Etzel hät au d Errichtig vo dr Gwichtsmuur I de Schlage begünschtigt, wo sit 1937 de Sihlsee schtaut, wo s zuegehörige Etzelwerch in Altedorf am obere Zürisee schpiist.
Dr Etzel isch es beliebts Uusflugsziil für Wanderige. Dr Blick schweift in nördlicher Richtig über de Zürisee und Obersee mit em Seedamm von Rapperschwiil bis zu de Gipfel vom Zürcher Oberland, in südlicher Richtig gege de Sihlsee und d Mythe. Uf em Gipfel schtaht es Bergrestaurant.
Weblinks
 |
Dä Artikel basiert uff ere fräie Übersetzig vum Artikel „Etzel_(Berg)“ vu de dütsche Wikipedia. E Liste vu de Autore un Versione isch do z finde. |