Babiirfätzeli wärde von ere ZeeDee aazooge, wemm mä an ere ribt und si eso elektrostatisch uflaadet.

D Elektrostatik isch ä Deilgebiet vo dr Elektrodynamik und befasst sech mit elektrische Ladige, wo sech nit bewege, und mit de elektrische Fälder vo glaadene Körper befasst.

D Fenomeen vo dr Elektrostatik chömme vo de d Chreft, wo elektrischi Laadige ufenander usüebe. Die Chreft wärde vom Coulombsche Gsetz beschriibe:

${\displaystyle F={\frac {1}{4\pi \varepsilon _{0}}}{\frac {q_{1}\cdot q_{2}}{r^{2}}}}$,

wobii ${\displaystyle q_{1}}$ und ${\displaystyle q_{2}}$ zwäi Laadigsmänge si, wo chugelsümmetrisch verdäilt si, ${\displaystyle r}$ dr Abstand zwüsche deren iire Middelpünkt und ${\displaystyle \varepsilon _{0}}$ d Permittivität vom Vakuum (elektrischi Fäldkonstante) isch.

E klassischs Bischbil isch, ass Bärnstäi, wo mä draa ribt, Däili aaziet. Au wenn d Chreft chlii usgseen, isch die elektrischi Chraft z. B. im Vergliich mit dr Grawitazioonschraft usserordentlig stark: die elektrischi Chraft zwüschen eme Elektron und eme Proton (bäidi bilde zämme e Wasserstoffatom) isch öbbe 40 Gröössenornige gröösser as iiri gegesitigi Aaziejig wäge dr Gravitazioonschraft.

D Elektrostatik isch e Spezialfall vo dr Elektrodynamik für umbewegti elektrischi Laadige und statischi elektrischi Fälder, wo sich mit dr Zit nid ändere. D Elektrostatik het iir Analogon in dr Magnetostatik, wo sich mit stazionääre (zitlig konstante) Strööm und Magnetfälder befasst.

Litratuur

• John David Jackson: Klassische Elektrodynamik. Walter de Gruyter, Berlin 1982, ISBN 3-11-009579-3
• Wolfgang Demtröder: Experimentalphysik. Bd.2: Elektrizität und Optik. Springer, Berlin 2004, ISBN 3-540-20210-2
• Wolfgang Nolting: Grundkurs Theoretische Physik 3 Springer 2007, ISBN 978-3-540-71251-0
• Hartmut Berndt: Elektrostatik - Ursachen, Wirkungen, Schutzmaßnahmen, Messungen, Prüfungen, Normung. VDE-Verl., Berlin 1998, ISBN 3-8007-2173-2
• D. M. Taylor, P. E. Secker: Industrial electrostatics - fundamentals and measurements. Research Studies Press, Taunton 1994, ISBN 0-86380-158-7
• Jen-Shih Chang: Handbook of electrostatic processes. Dekker, New York 1995, ISBN 0-8247-9254-8
• Dreizler, Lüdde: Theoretische Physik 2: Elektrodynamik und spezielle Relativitätstheorie Springer, Berlin 2005, ISBN 3-540-20200-5
• Griffiths: Introduction to Electrodynamics Pearson 2008, ISBN 0-13-919960-8

Weblingg

 Wikibooks: Elektrostatik — Lern- und Lehrmaterialie
 Wikibooks: Formelsammlung Elektrostatik — Lern- und Lehrmaterialie

• Versüech und Ufgoobe zur Elektrostatik (LEIFI)

Dä Artikel basiert uff ere fräie Übersetzig vum Artikel „Elektrostatik“ vu de dütsche Wikipedia. E Liste vu de Autore un Versione isch do z finde.