D Dunkelmännerbrief, latiin. Epistolae obscurorum virorum, isch ä Sammlig vo satirische Brief, wo äxtra i schlächdischde Mönchslatiinisch gschriibe worde si. Si si in zwei Deil veröffentligt worde, 1515 und 1517.

de Ulrich von Hutten (uf eme Holzschnitt vom Erhard Schön, um 1522)

Dr Ditel lähnt isch a an dr Ditel vo dr Schrift Epistolae clarorum virorum (d Brief vo de berüehmte Manne), wo zu Ehre vom Johann Reuchlin 1514 vo siine Fründe veröffentligt worden isch.

Dr Hauptverfasser vom erschde Deil vo de Dunkelmännerbrief isch dr Humanischt Crotus Rubianus gsi und vom zweite dr Ulrich von Hutten. In ihne si d Kölner Theologe, wo s Verbot vo alle jüdische Schrifte verlangt hai, verschbottet worde wäge ihrer middelalterlige Wüsseschaft und Lehrwiis.

Quelle

• dtv-Lexikon, Deutscher Taschenbuch Verlag, München 1970, Band 4, S. 229
• "Reuchlin, Johannes." in Encyclopædia Britannica. Ultimate Reference Suite. Chicago: Encyclopædia Britannica, 2008.