| Diego Maradona | ||
 dr Diego Maradona bi dr WM 1986 | ||
| Personalia | ||
|---|---|---|
| Name | Diego Armando Maradona Franco | |
| Wänn uf d Wält choo | 30. Oktober 1960 | |
| Wo uf d Wält choo | Lanús, Argentinie | |
| Wänn gstorbe | 25. Novämber 2020 | |
| Wo gstorbe | Tigre, Argentinie | |
| Größi | 165 cm | |
| Position | Offensiv Mittelfäld | |
| Junioren | ||
| Johr | Station | |
| 1969–1976 | Argentinos Juniors | |
| Herre | ||
| Johr | Station | Spil (Tor)1 |
| 1976–1981 | Argentinos Juniors | 168 (136) |
| 1981–1982 | Boca Juniors | 40 (28) |
| 1982–1984 | FC Barcelona | 36 (22) |
| 1984–1991 | SSC Neapel | 188 (81) |
| 1992–1993 | FC Sevilla | 26 (5) |
| 1993 | Newell’s Old Boys | 5 (0) |
| 1995–1997 | Boca Juniors | 30 (7) |
| Nationalmannschaft | ||
| Johr | Uuswahl | Spil (Tor) |
| 1977–1979 | Argentinien U20 | 14 (8) |
| 1977–1994 | Argentinie | 91 (34) |
| Statione als Trainer | ||
| Johr | Station | |
| 1994 | Deportivo Textil Mandiyú | |
| 1995 | Racing Club | |
| 2008–2010 | Argentinie | |
| 2011–2012 | Al-Wasl | |
| 2017–2018 | Al-Fujairah SC | |
| 2018–2019 | Dorados de Sinaloa | |
| 2019–2020 | Gimnasia y Esgrima La Plata | |
| 1 Aagää sind nur Ligaspiil. | ||
Dr Diego Armando Maradona Franco (* 30. Oktober 1960 z Lanús; † 25. Novämber 2020 z Tigre) isch en argentinische Fueßballspiiler un -trainer gsii.
Lääbe un Wirke
Dr Maradona isch aini vu dr „Legände vum Wältfueßball“ gsii[1] un het as ain vu dr beschte Fueßballspiiler vu dr Gschicht gulte.[2][3] Är het si scho am Aafang vu syre Karriere im Alter vu 15 Johr bi dr Argentinos Juniors e Name gmacht, voreb er zue dr Boca Juniors gwägslet un 1981 argentinische Maischter woren isch. Derno het s dr Maradona fir e Rekordableessumme uf Europa zum FC Barcelona zoge. Dert het er mit em Pokalsiig 1983 sy ainzige wichtige Titelgwinn ghaa. Vu Chrankete un Verletzige blogt, het er dr Verain scho no nume zwai Johr wäge Hufe Skandal wider mieße verloo. Dodruf het er si wider fir e Rekordablaassumme dr SSC Neapel aagschlosse. Mit em Underdog vu Kampanie, wu in dr Vorsaison fascht abgstiige wäre, het er zwische 1984 un 1991 di greschte Erfolg vu syre Verainskarriere gwunne, dodrunter 1987 un 1990 di bis hite ainzige Maischtertitel vu dr Verainsgschicht un dr Gwinn vum UEFA-Pokal 1989.
Dr U20-Wältmaischter vu 1979 het di argentinisch Nationalmannschaft 1986 z Mexiko as Mannschaftskapitän zum Gwinn vu dr zwoote Wältmaischterschaft no 1978 gfiert. Doderby het dr 25-Jehrig bim 2:1-Siig gege Ängland im Viertelfinale innerhalb vu vier Minute zwai vu dr beriemteschte Dor vu dr Fueßballgschicht gschafft, wun er zerscht e hochi Balle mit dr Hand, dr „Hand vu Gott“, regelwidrig ins Dor gferderet het un derno noch eme Dribbling iber rund 60 Meter s WM-Dor vum Johrhundert gschosse het. Insgsamt het dr Maradona an vier WM-Turnier (1982, 1986, 1990, 1994) dailgnuu un in 91 Länderspiil 34 Dor gschosse.
In dr 1990er Johr isch dr Maradona wäge Drogenprobläm un Doping in d Schlagzyylede grote, wun er vum Fueßballwältverband FIFA zwaimol derfir fir 15 Monet gspeert woren isch. No syre aktive Karriere het dr Maradona as Trainer gschafft, het aber als furt gsundhaitligi Probläm ghaa. Vu Oktober 2008 bis Juli 2010 isch er Nationaltrainer vu sym Haimetland gsii.
Weblink
Fueßnote
- ↑ Maradona ha muerto. In: marca.com. 25. November 2020, abgruefen am 25. November 2020.
- ↑ „The Best of The Best“. Ergebnis vu verschidene Schurnalischte- un Publikumswahle vu dr beschte Fueßballer vu dr Gschicht uf dr Syte vu dr Rec.Sport.Soccer Statistics Foundation.
- ↑ England Player Honours – World Soccer Players of the Century
 |
Dä Artikel basiert uff ere fräie Übersetzig vu dere Version vum Artikel „Diego_Maradona“ vu de dütsche Wikipedia. E Liste vu de Autore un Versione isch do z finde. |