Digge

Digge (IPA {{[tıkkə]}}) isch e Dörfli i de Gmäänd Neggertaal im Toggeburg. S litt under de Wilket imene tüüffe Siitetaal vom Neggertaal, wo de Trämelbach döreflüüst und wo d Strooss vo Peeterzell is apizellische Schwöllbronn döregoot. Im Digge isch en Abzwiigig fo dere Strooss uf Tegersche. Im Oberdigge stönd no fili aalti histoorischi Toggeburgerhüser usem 17. und 18. Joorhundert. S Zentrum vom Dorf isch s Rössli, wo im 19. Joorhundert baut woren isch. De Ort werde zerstmool ane 1459 as im Dicken gnennt, de Tielektname erschiint ane 1802 as Diggen.