D Dewiise vom Franz Joseph I. as Däil vo sim Wabbe

E Dewise (Motto, Waalspruch) isch e Maxime, won e Grubbe vo Lüt, wo gliich dänke, e Person, e Familie oder en Organisazioon uuseliist, für zum iir Ziil und iiri Aasprüch dütlig z mache. Si si mäistens schriftlig und nid mündlig wie Paroole, und stamme äntwääder us lange Dradizioone, gmäinschaftligem Wille oder entschäidende Eräigniss, wie us eme Bürgerchrieg oder ere Revoluzioon. In der Wärbig oder in dr Bolitik wird vilmol en Dewiise verwändet, wo mä sich liicht dra erinnere cha, e sogenannte Slogan.

Dewiise si vilmol Däil vo Wabbe. Dört stöön si mäistens im ene Spruchband unde am Wabbeschild. Das stammt us em Middelalter, wo fast alli Aadlige e Wabbe und e Dewiise gha häi. In dr heraldische Liddratuur si au d Begriff Chriegsgschrei bzw. Panier verbräitet, wo uf e Schlachtruef zrugggöön, und sich mäistens oobe vom Wabbe befinde.

Hützudags häi e Hufe Staate und anderi Instiduzioone e Dewiise.

Liddratuur

Weblingg

 Commons: Mottos – Sammlig vo Multimediadateie

Fuessnoote

  1. ↑ Wahlsprüche, Devisen und Sinnsprüche deutscher Fürstengeschlechter des XVI. und XVII. Jahrhunderts. Barth, Leipzig 1883 in: Deutsche Digitale Bibliothek.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.