Koordinate: 47° 40′ 0″ N, 8° 19′ 14″ O

Detzeln
Wappe vo Detzeln
Wappe vo Detzeln
Dialekt: Alemannisch
Hauptvariante: Hochalemannisch
Regionalvariante: Hotzewälderisch
Höchi: 404 m
Iiwohner: 267
Iigmeindig: 1. Januar 1971
Regierigsbezirk: Fryburg
Landchreis: Waldshüet
Poschtleitzahl: 79761
Vorwahl: 07741
Nummereschild: WT
Dialäkt: Markgräflerisch (Lörrach)

Detzle (Dt. Detzeln) isch e Stadtdeil vo Waldshüet-Düenge im Landchreis Waldshüet.

Geografy

S Panorama vom unterè Steinadal bim Detzlemer Obberdorf

Detzle litt am südöstlige Rand vom Südschwarzwald im Steinadal uff ca. 404 Meter über em Meerspiegel. S Gmeindegebiet umfasst d'Dalaue und Bergaschnitt vom undere Steinadal, wo vo Norde noch Süde verlauft, und de Wyler Dierberg.

Gschicht

Di erschti urkundligi Erwähnig vo Detzle chunnt uss em Johr 844; de Ort hät sällemols Tezzilnheim gheiße und hät de Freiherre vo Kränkinge ghört. E witeri Erwähnig chunnt uss em Johr 1480, wo d'Herre Detzelhaim vo Rumlang an s Chloster St. Bläsi verchauft hän, nochdem's zerscht d'Herre vo Hochefäls und verschydeni Schwizer Patrizierfamilie gha hän. Noch de Ufflösig vom Chloster isch de Ort an s Großherzogtum Bade cho.[1]

Detzle isch 1971 in Düenge yglydert worre. Sälli ehemoligi Stadt isch 1975 sälber mit Waldshüet zämmeglegt worre.

Ywohnerentwicklig
JohrYwohner
1871200
1900163
1925227
1939192
1950253
1961244
1970252
2004265
2006267

Bolitik

Detzle entspricht als Ortschaft im Bade-Württebergische Kommunalrächt und hät drum e begränzti Selbschtverwaltig, wo de Ortschaftsroot und de Ortsvorsteher als Organ hän. De Ortschaftsroot hät sechs Mitglyder; de Ortsvorsteher isch de Erwin Schlegel.

Verchehrsabindig

Durch Detzle verlauft d'Landstroß 159, wo vom Stadtdeil Düenge chunnt und, nochdem si de Ort durchquert hät, entlang de Steina uff Bonndorf fiehrt. D'Chreisstroß 6556 fiehrt über de Bergrucke im Weste durch d'Ortschafte Kränkige und Aiche ins Schlüchtdal.

Quälle

  1. ↑ www.detzeln.de
Dä Artikel basiert uff ere fräie Übersetzig vum Artikel „Detzeln“ vu de dütsche Wikipedia. E Liste vu de Autore un Versione isch do z finde.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.