S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Tegersche vermyde, wo öppis anders meined.
Degersheim
Wappe vo Degersheim
Wappe vo Degersheim
Basisdate
Staat:Schwiiz
Kanton:St. Galle (SG)
Wahlchrais:Wilw
BFS-Nr.:3401i1f3f4
Poschtleitzahl:9113
UN/LOCODE:CH DGS
Koordinate:732766 / 248349
Höchi:800 m ü. M.
Flächi:14,48 km²
Iiwohner:4081 (31. Dezämber 2022)[1]
Website:www.degersheim.ch
Degersheim SG
Degersheim SG

Degersheim SG

Charte
Charte vo Degersheim
Charte vo Degersheim
w

Tëgersche (IPA: [ˈtɛg̊ərʃːə]) isch e Gmaind im Undertoggeburg im Kantoo Sanggale und ghört politisch zum Wahlchrais Wiil.

Name

De offiziell Name Degersheim isch e falschi verhochdütschig vom iihaimische Name Tëgersche (837: Tegerasgai "Grosse Eschewald") und het nie die fränkisch Ortsnameendig -heim ghaa. Bis 1806 het d Gmaind no dr Name Tegerschen trait. Us dem Grund werd im Woppe vo Tegersche au e geeli Esche uf schwarzem Grund abbildet. Di recht Hälfti vom Woppe zaigt degege e schwarzes Chrütz uf geelem Grund; da Chrütz isch vom Sigel vo de Ammane vo Tegersche öbernoo wore. D Farbe gääl und schwarz sind vom toggeborger Woppe öbernoo wore.

Tëgersche im Winter

Geografii

Zu de Gmaind ghöret s Dörfli Wolfertschwil und de Wyler Maggenau mit de Zisterzienserinne-Abtai Maggenau. De högschti Punkt isch bi de Tegersche Exklave Obergampe, wo uf 1'061 m ü. M. liit. D Gmaind grenzt a Oberuzwil, Floowil, Herisau, Schwellbronn, Neckertal und Lütischborg.

Bevölkerig

D Bevölkerig hät früener vorallem vo de Landwertschaft und Holzverarbaitig, e wiili lang au vo de Stickerai, gläbt. Hüt gits näbet de Land- und Forschtwertschaft au e chli Industrii. D Gmaind hät Endi 2005 öpa 3830 Iiwohner zelt, devo sind 647 Uslender, 43% katolisch und 34% reformiert gsi.

S Chloster Maggenau - rächts hinde d Verena-Kapelle

Sehenswördigkaite

Do wär emol di reformiert und di katolisch Cherche im Dorf Tegersche, di katolisch Cherche z Wolfertschwil und bim Chloster Maggenau d Verena-Kapelle. Si hät Grundmuure, wo us em 12./13. Joorhundert sind und si stoht, wie au s Chloster sälber, under Dänkmolschutz. Oberhalb vo Wolfertschwiil isch s Rootmoos, wo ne Hochmoor mitere nationaale Bidüttig isch.

Bilder

 Commons: Tegersche – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.