lingonische Votivstai us Dijon

De Cicollos isch e Gott vo de Kelte gsii, wo vo de Lingone vereert woren isch. Er isch mitem römische Gott Mars glichgsetzt wore.

Name

De Nominativ vom Gott luutet uf Gallisch Cicollos und de Dativ Cicollui. Well die letzt Form i Inschrifte vorchunnt, werd au de falsch Nominativ *Cicolluis bruucht. De gallisch Name bidütet »Muskelprotz« (zu kymr. cig, korn. cich »Fleisch« und ir. oll »gross«). Au anderi Dütige werdet diskutiert.

Vereerig

De Mars Cicollos isch de Hoptgott vo de Lingone gsii, und isch im Hailigtum vo Mediolanum (hüt: Mâlain) vereert wore, zäme mit de Göttin Litavis oder de römische Chriegsgöttin Bellona[1]. Au die beede Inschrifte us Dijon und Aignay-le-Duc liget im Piet vo de Lingone[2]. Und en Inschrift us Xante, wo ebefalls em Cicollos gwidmet isch, het e Lingon gstiftet[3]. Die anzig nöd lingonischi Inschrift stammt us Vindonissa[4]. Do die Inschrift aber ufeme Blech abrocht isch, chönt si au spöter usem Piet vo de Lingone uf Vindonissa cho sii.

Quelle

  1. ↑ CIL XIII, 5597, CIL XIII, 5598, CIL XIII, 5599, CIL XIII, 5601
  2. ↑ CIL XIII, 5479, CIL XIII, 2887
  3. ↑ AE 1981, 690
  4. ↑ NeLi 54

Büecher

  • Bernhard Maier: Lexikon der keltischen Religion und Kultur. Kröner, Stuttgart 1994, ISBN 3-520-46601-5
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.