d Catharina Müller (vorderi Raie links) bi dr Läsig vu dr Lohrer Murre 2021

D Catharina Müller (* 1994) isch e dytschi Sozialarbaiteri un Dialäktautori.

Lääbe

D Müller isch e Änkeli vum Reinhard Geugelin, eme Brueder vum Hansfrieder Geugelin. Si isch z Efrige-Chilche mit Alemannisch as Muetersproch ufgwagse.

No dr Schuel het si e Bachelor un e Master in Sozialer Arbet gmacht. Si schafft syterhär as Sozialarbaiteri, dernäbe isch si Dozänti an dr Duale Hochschuel z Villinge-Schwenninge.

Syt 2015 chännt mer d Müller in dr Region fir iri alemannische Gedicht un Gschichte. In sällem Johr het si bim Gerhard-Jung-Wettbewärb mit em Gedicht „Zugvögel“ dr dritt Bryys in dr Kategory Lyrik gwunne, bi dr Uusgab vum Gerhard-Jung-Wettbewärb im Johr 2018 het si mit dr Gedicht „z’nacht“ un „Vernissage“ wider dr dritt Bryys in dr Kategory Lyrik gwunne un 2022 e zweete Bryys in dr Kategory Lyrik un e dritte Bryys in dr Kategory Prosa. Im Spotjohr 2020 het si bi dr Lohrer Murre mit em Gedicht „Liebi“ dr zweet Bryys in dr Sparte Lyrik gwunne. Un bim Wettbewärb „Alemannisch läbt!“, wu d Muettersproch-Gsellschaft 2021 zäme mit em SWR un dr Badische Zytig veraastaltet het, isch d Müller mit zwee Juniorebryys uuszaichnet wore, mit em Gedicht „Zit“ in dr Sparte Lyrik un mit em Täxt „Muettersproch“ in dr Sparte Prosa.

Im Friejohr 2024 isch si yyglade gsii zue dr 34. Internationale Schopfemer Mund-Art Literatur-Wärchstatt[1]

Literatur

Fueßnote

  1. ↑ Die Mundart-Literaturwerkstatt in Schopfheim ist am Puls der Zeit, Badische Zeitung, 17. Merz 2024
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.