D Carmen Reyle (* 13. Juni 1925 z Basel; † Summer 2011) isch e Schwiizer Textilgstalterin gsi.

Läbe

D Carmen Reyle isch die älteri Tochter vo der Charlotte Schulzke, ere gebürtige Berlinerin, und em Schwiizer Journalist Karl Reyle gsi.[1] Si het a der Kunschtgwärbschuel Basel d Textilfachklass bi der Irma Maria Koçian (Wäbe und Sticke), d Holzbearbeitig und der Lithokurs bsuecht, und nochhär isch si mit Stipändie z Ängland und Irland gsi.

Wärk vo ihre sind vom Baudepartemänt und Kunstkredite Basel-Stadt und Basel-Landschaft, vo de Gmeinde Binnige und Allschwil und vo de Kirchgemeinde Dornach, Rieche und Allschwil aakauft worde. Die letschte Johr vor ihrem Abläbe het si vor allem textili Wärch gschaffe: Bildteppiche und durchsichtigi Wirkereie, wo Zettelfäde zur Gstaltig bitrage. D Reyle het an Usstellige teilgno. Sie isch mehreri Johr im Vorstand vo der Basler Sektion vo der Schwizerische Gsellschaft vo bildende Künschtlerinne gsi und het dört jüngeri Kolleginne betreut.[2]

Der Carmen Reyle ihri Schweschter Liselotte (* 1924) isch au e Künschtlerin.[3] Si händ au zäme usgstellt gha.[4][5]

  • Reyle, Carmen. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).

Fuessnoote

  1. ↑ http://katalog.burgerbib.ch/detail.aspx?ID=338965 (Site+cha+nüme+abgrüeft+wärde;+Suche+im+Webarchiv)++Vorlage:Toter+Link/katalog.burgerbib.ch
  2. ↑ Rosmarie Frey-Vosseler & Myrtha Eberhardt (Schwizerischi Gsellschaft vo Bildende Künschtlerinne, Sektion Basel): Carmen Reyle. Nachruf in: Basler Zitig, 15. Juli 2011, S. 30.
  3. ↑ Reyle, Liselotte. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
  4. ↑ https://www.artlog.net/en/users/carmen-reyle
  5. ↑ https://www.sgbk.ch/index.php?id=69
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.